[A:166]dbang ches pas lo ru 'gyangs/ /'on kyang 'khrul med 'khon ston sa skya pa'i/ /rjes su 'jug 'dod dal 'byor lus 'di rnyed/ /gnyis pa rgyal ba'i bstan pa la rab tu byung tshul la gsum ste/ so so thar pa'i sgor zhugs te sde snod gsum la sbyangs tshul/ rdo rje theg pa spyi dang bye brag gi rgyud sde mtha' dag la nyan bshad sgom sgrub byas tshul/ byang chub sems dpa'i spyod pas ma gyur 'gro ba'i don rab 'byams bsgrubs tshul lo/ /dang po bcu gcig pa la 'jam dbyangs bsod nams dpal 'byor zhes btsun pa dang grub pa mchog gi dbang po/ chos brgyad 'dir snang gi nyes pas nam yang gos ma myong ba'i dpa' bo de nyid kyi drung du lam log pa las khyad par du bya ba sangs rgyas la skyabs su 'gro ba'i thog mar dge bsnyen gyi brtul zhugs nos/ de nas bshad pa'i rtsa bzhi la sogs pa'i bsrung sdom phra zhing phra ba kun la spangs blangs ngo lkog med par byas/ dam pa de'i gsung nas lung bstan lta bur dgos/ khyed bsod nams chen po yod chos tshul zin la sgrub pa 'phel ba gyis/ bstan pa la phyogs 'dzin ma mdzad gang mos la nyams len mdzod/ sngags pa yin pas sgrub pa mthar phyin pa'i sngags 'dren dgos gsungs nas/ ming bsod nams chos 'phel gyis gsungs/ mdor na mkhar mthon po'i ba gam 'dogs pa'i thog mar gnas de'i 'gram gzhi 'bru ba bzhin du rtsa ba'i gzhi 'di legs par bcas pa'o/ /des mdzad pa'i tshe dpag med grub rgyal lugs kyi dbang chog /sman bla'i mdo chog /bsngo ba sogs bla chung la dgos pa'i slob gnyer phran bu byas/ bcu gnyis pa phyag khyer thal rtsed kho nas