[A:314] /'on kyang de lta bu'i rje btsun bla ma dam pa gang gi sku gsung thugs yon tan 'phrin las kyi mdzad pa rab 'byams bdag lta'i so skye rnams kyis bskal par lce brgyas 'bad kyang brjod par nus pa ma yin no/ /'o na bla ma dam pa'i bka' drin snying la dran pa dang dam pa gang gi sku gsung thugs mtsho las 'khrungs pa'i dri bsung phyogs brgyar dgod pa'i utpa la'i sdong po'i bsil grib la nyon mongs pa'i tsha gdung ngal gso ba'i ser gzugs za nyal 'chag gi blun po'i snying la/ lo 'dab 'bras bu'i khur gyi rnam par 'gying ba'i yon tan rin po che bde ba chen po'i utpal gang gis/ byams pa chen po smon pa shes rab kyi gzhu mo la thabs snying rje chen po 'jug pa'i mda' mos yang yang du bsnun pa la brten nas/ rang bzo dang sgro skur gyi dri ma ngan pa thams cad gsung gi bdud rtsi'i dwangs ma lhad ma zhugs par/ brjed ngas dang le lo'i mun pa dang thang la rig pa'i sgron me sems kyi lcags gis bskul te/ dam pa'i gsung las byon pa ni 'di ltar/ de yang thams cad 'dul zhes pa me mo phag gi lo zla ba lnga pa'i tshes bcu gnyis la gza' phur bu dang skar ma bi rdzis rlung gi sbyor ba la 'khrungs pa nas sa mo yos bu'i lo zla ba bcu pa'i nyer gsum bar gyi thos bsam sgom sgrub 'chad nyan gyi mdzad pa rlabs po che mtha' dag ni gong du smos pa ltar ro/ /de'i mjug rags pa ni/ da dad rdzas gshin rdzas kyi longs spyod la thab su bzang 'gran pa ni rang gzhan thams cad phung la sbyor zhing ngan song rgyu sgrub pa 'di 'dra bor/ 'chi ba snying zug gi gnas