[A:316]'dug pa nas/ rten bzheng sogs dang smon lam yid kyi re ba gang gi skabs su/ dar rgud gang che sar de la nan tar mdzod gsung ba 'dug pas/ bla ma brgyud pa'i skabs su ched du 'bung ba gang lcogs byas mod/ gang ltar gshin rje'i sku 'di la las sbyor lan cig byas de rjes gshegs su gsol ba'am mi mngon par sbas na ched du 'di phan pa 'dug ste/ nga ni rgas 'dug gzhan ni sngags par khas 'che yang 'di phyogs kyi lag len dang gdams ngag skor la bar do'i gnas su sleb pa dang 'dra gsung / de ltar yin na bstan pa rin po che la dgongs nas gnang 'tshal/ rdzas sogs mthun rkyen bdag gis byed lags phul nas/ dpe la nan tar ltos bsnyen pa zhig kyang song bas da lo e 'grub lta ba yin no/ 'on kyang 'grub pa dka' gsung ba de'i thog tu song ngo / /babs sde pa 'dul lags 'di sa gnas kyi byang chub sems dpa' zhig yin pa 'dug pas rab tu byung na sangs rgyas kyi bstan pa la bya ba phul du phyin pa zhig yong ba 'dug ste da lam phan par ma gyur pas sems thang chad pa'i ngal gsos thabs mi gda'/ nyin mtshan med par chos bshad 'jig rten gyi bzhed dgu'i gang phan byas kyang snyan brgyud kyi bstan pa 'di'i sgros ma nyams bar 'dzin pa'i slob bu ni nyin mo'i skar ma ltar dkon pa nas sgyid pa lug /zhabs drung yab sras rnams kyi bu slob kyi khul nas nga las zhan pa med kyang 'chad nyan thebs ma chag tsam 'di byas pas snyan brgyud phyogs re tsam ma chad pa 'di yin/ khyod rang shes rab ni a tho 'dug da tshod bzung nas sgrub pa