[A:319]bla ma'i 'dod pa ye med pa dang lhag par skye ba mi mthun pa nas/ dgongs pas grol ba dgos zer ba la de ltar ma gsung / 'jig rten na bu dang chos la slob ma yin phyin rten 'brel gyi cha yang yod gsung bas de ltar snang ngo / /phyi nang gi las mgon gyi rjes gnang sogs byed do gsung zhal bzhes gnang / de nas tshes bco lnga la rnam thar gyi ljags lung gong nas zhal ngos dbu mdzad bu slob rags bsdus thog cig la gnang / de nyin gyis chos thun grol dgongs thun la phebs khar/ rnam thar gyi lung dgos zer ba nga gang zer lta ba yin pa 'dra gsung / de 'dra ci yin lags zhus pas/ nga la rnangs med kyang gsar rnying gi rgya bod kyi bla ma brgyud pa ji snyed dang de dang mtshungs pa'i rgyud sde bzhi'i yi dam zhi khro dam can rgya mtsho 'das pa dang 'jig rten pa'i srung ma mang po yod pas/ de rnams la nyams gso ba'i phyir dang / phyi nang gi rten 'brel gang 'grig byed dgos pa la ma byung song / nga rang gi byas na shes 'dod langs pa ltar yod snyam pa byung / gter sbyin 'di tsho las tshogs 'khor zhig byas na lo re lo gnyis rten 'brel zhig bdog ste phaT gsung / 'o na sang nyin tshogs 'khor zhig dang bskang gso 'dra yang byas na yong lags sam zhus pas snga ma dgos pa rting ma byas pas ci la phan da de ga yin mi byed gsung / ltas ji ltar bda' lags zhus pas/ go rgyu med labs kyang thang chad pa las mi 'dug 'chi ba'i rtags mang po 'dug gsung byung bas/ zhabs pad brtan pa bka' drin che dgos brtan bzhugs zhig kyang 'bul zhus pas