[A:168] lugs gnyis kyi phra rags ci grub byas byis pa ham can zhig bdog pas gang yong ba shog snyam pa'i thag chod 'di ga gdong 'ded byed pa ma gtogs chos brgyad dang 'brel ba'i legs legs de tsam nas mi shes pa lags so/ /snga dar bstan pa'i me ro gnas pa'i sa/ /skyes chen du mas byin rlabs seng khri la/ /byis pa 'jigs med lo ni bcu gsum pa/ /lugs gnyis khrims kyi rgyal pos bka' stsal bskos/ /dge mtshan du ma 'byung ba'i rten 'brel bsgrigs/ /sku drin dran kyang khyer ba'i thabs ma mchis/ /'brel tshad mthong bas grol ba'i karma pa/ /'khrul zad slu med skyabs mgon khyod gcig po/ /las bde sdug 'khor lo rgyun bskor 'di/ /khyed ye shes ral gris myur du chod/ /rta gos sbyin bdag gis bteg pa'i bla gzugs kyi zol zog /'khor mang 'dus pa yi dbus na ches mtho yi mu cor/ /lan brgyar yang yang du sgrog pa mgal bsdum gyi gad brgyangs/ /lad mo 'di la phyogs bcur bzhugs pa'i rgyal ba sras bcas khrel min nam/ /'jam dbyangs dpa' bo bsod nams dpal 'byor zhabs/ /khyod kyi drin las log pa'i lam las thar/ /lam gyi rtsa ba dge bsnyen sdom pas phyug /bdag gi de ring rin chen nor bu rnyed/ /de nas bcu bzhi pa nas bzung bcu bdun gyi bar gdan sa'i khur byas bsdad/ drin gyis lan brgyar bskyangs pa'i pha ma yab yum gyi zhabs tog lhod med byed rtsis byas/ 'on kyang sre ba se ba cung zad kyang byung ngo / /bco brgyad pa la bdag tsho rang gi sbyin bdag yin pa'i sgo mdun 'og pa zhes pa'i zhal ngo zhig rab tu byung / de nyid bzod pa'i gos dang tshul