[A:169]khrims kyi rgyan gyis rnam par mdzes pa mdo rgyud ma lus pa'i bang mdzod rdo rje 'dzin pa'i mnga' bdag chen po de nyid kyi stag lung sna dkar gyi mkhan po gnang / mtshan paN chen grags pa thogs med ces pa'i zhabs drung du bdag gis sleb/ gzhi sngon ma'i steng du/ gnyis pa dge tshul gyi bslab pa 'dul ba nas gsungs pa'i gsol bzhi'i cho ga'i sgo nas dge tshul gyi sdom pa thob/ de nas gsungs pa'i rags rdog bcu sogs bsrung sdom phra zhing phra ba rnams la nyes bcas phra mo tsam gyis ma gos shing theg chen gyi byang chub sems dpar byas/ gnas der dam pa de'i drung du lo gsum bsdad/ dbu ma rtsa 'grel/ karma sha tam/ mngon pa rtsa 'grel/ bshad mdzod chen mo/ /phar phyin rtsa 'grel/ byams chos sde lnga/ bstan pa rin po che lhag ma ma lus pa'i phung po bstan bcos sdom gsum rab dbye la sogs pa phal cher blo la zin/ tshig rkyang ma lus pa zin yang zin/ go don mtha' gcod pa rnams dam pa de'i gsung zer phra mo 'dzin blo byas kyang / dpag par dka' ba'i gsung gi zur tsam yin te nam mkha'i khams las byis pa'i 'dom gyis gzhal ba dang mtshungs so/ /mdor na pha rol tu phyin pa'i gzhung lugs la thos bsam sbyang ba byas blo kha yang spro snyam pa byung / de nas nyer gsum pa la shangs rnam gling du dam pa de'i zhabs phyir phyin/ sangs rgyas bstan pa'i spyi'i sbyin bdag rin spungs nas kyis zhal bkod gnang / dgon gsar zhig 'debs pa mdzad pa'i gnas ming la thub bstan gser mdog lhun por gsol/ der lo gsum sde snod kyi bshad gra thag chod pa zhig