[A:330]gzhan du gshegs par gyur pa de'i tshe/ nam mkha'i khyon thams cad li khri'i mdangs ltar dmar zhing gsal ba'i mtha' dbus kun na 'ja' sna lnga'i 'od 'khyug pa dang / gzims chung sogs phyogs thams cad na dri bzang pos khyab cing bskyed rim mngon du gyur pa'i rtags su thugs dam zab mo mdzad pa sgra dag cing gsal bar snang / bla ma dang dkyil 'khor gyi lha tshogs rnams dang dpa' bo dang rnal 'byor ma'i lha tshogs thams cad kyis mngon sum du bsus/ rgyal chen bzhi dang phyogs skyong bcu sogs 'jig rten skyong ba thams cad kyis zhabs nas bteg /gnas gsum gyi dpa' bo dang mkha' 'gro/ de dag gi rnam par 'phrul pa bsam gyi mi khyab pa dang bcas pa'i rig pa 'dzin pa rnams kyis mdun nas bdar te/ bde ba can sogs mkha' la spyod pa'i gnas su gshegs par chas pa'i tshe bdag cag gis sku gsung thugs kyi dkyil 'khor gsol 'debs cung zad phul/ shul du lus pa'i ltos bcas sde pa bsod nams lhun po/ sde pa dgra 'dul don grub/ sde pa bsod nams dpal 'byor sogs zhal ngo brgyud par bcas pa dang / bdag sogs gdul byar gyur pa thams cad skye ba nas tshe rabs thams cad du rjes su 'dzin pa dang thugs rje'i skyabs 'og tu nam yang mi 'bral bar rjes su bzung du gsol/ de nas kyang dam pa khyed gang du bzhugs pa'i zhing khams su 'khor gyi thog mar skyes nas gsung gi bdud rtsi 'thung bar shog /ces gsol ba btab pas zhal 'dzum pa dang spyan ras kyis gzigs pa dang