[A:329] do nub nye khor cig tu rnga rdung mi zhig byung na yong ba 'dug ste gsung / sku rim la dmigs nas drag dmar gyi gtor bzlog cig byas na e yong lags zhus pas/ da lta rang rtsoms gtor ma 'phang mkhan khyod rang gis byas pas chog /nga la phan par ma gyur kyang phyis su sbyin bdag gi rkyen ngan bar gcod thams cad mi 'byung bar nges pas/ dmigs pa dgos pa rnams nga rang gis byed gsung pa ltar ci gsung kun lkog gyur lung bstan du song ngo / /de ring tshes bco lnga yin ang gsung / sku mdun du byin rlabs zhu bar phebs pas/ rje btsun ngag dbang pa dang zhal ngo rnams dang / gzhan yang skya ser su byung yang sngar las zhan du ma song ba'i phyag dbang gnang ba zhal ras la 'gyur ba mi mnga' ba 'dug go /snyung tshul mdzad pa'i gnas skabs thams cad du'ang thugs dam zab mo'i rim pa rnams dang gsang sngags bzlas brjod mdzad pa rnams rgyun chad med par smra dag cing rang babs su gnang ba dang sku lus kyi zo mdog kyang sngar bas dngas pa tsam byung mod/ bsams na rdo rje'i sku lus la skye 'chi dang bgres rgud sogs pha rol gyi mtshan ma ngan pa gang yang med par gda'o/ /gang gi tshe dpal rgyal ba sras dang bcas pa kun gyi yab/ grub pa'i dbang phyug chen po dkyil 'khor kun gyi rigs bdag /dpa' bo dang mkha' 'gro thams cad kyi ded dpon/ bdag sogs gdul bya mtha' dag gi skyabs mgon gcig po/ zung 'jug rdo rje 'chang dang zhal mi gnyis pa'i dam pa nyid zhing 'di nas