[A:332]med 'chi bdag gza' yis de ring zin/ /brjid chags lhun grub sku mchog da ga re/ /khyod gsung chu 'dzin gsar pa'i chos char de/ /skal med lho phyogs rlung pos ga gshed brdas/ /blo yul 'bab pa'i gsung de da ga re/ /khyod thugs sgrib med ye shes rgya mtsho de/ /me long chu zla 'ja' tshon ltar gsal yang / /skal med bdag gis mthong dang thos gnas bral/ /kye ma kyi hud rje btsun thugs rje chung / /zhes re zhig yid kyi dbang po dran med du song ngo / /de nas tshes bcu gsum gyi nyi ma dgong myur la nam mkha' mthing zhun gyi mdog lta bu la nub phyogs nas 'ja' dkar po ba thag rkyang ba lta bu'i rtsa ba gcig la rtse mo gsum du byas/ de la je mang gyes nas nam mkha' kun 'jas ris des khyab pa'i khrod nas/ me tog sna tshogs kyi char mngon sum du thul ba skye bo kun gyis mthun grub mthong ba byung / rin thang ma mchis gzhal du med pa'i sku gdung rin po che nyid kyi zhabs tog ni/ bslab pa gsum gyi rgyud yongs su phyug cing dam tshig gi rgyan gyis rnam par mdzes pa dkon cog rgyal mtshan pas mdzad/ de'i phyag g.yog dgos pa bdag gis byas nas/ sku gdung rin po che nyid yid bzhin nor bu ltar snum la brjid chags shing dri bzang gis yid kyi dbang po tshim pa dang 'od dang 'od zer gyi tshogs 'phro bzhin pa dang bcas kun tu bzang po'i mchod sprin lta bu'i dbus su bzhugs su gsol/ de nas gsol 'debs kyi zhal bkod zhabs drung 'dul lags kyis mdzad de/ thog mar tshar chen chos kyi rgyal po'i gdung yid bzhin nor bu'i drung du snyan dar dkar me/ 'jigs byed lha khang du rje mkhyen brtse'i dbang phyug gi sku 'dra la snyan dar dang mar me/ mgon khang du