[A:333]chos skyong gi spyan gzigs lha rdzas/ gzhan yang rje btsun mchog gi sprul sku kun dga' snying po dang / bstan 'dzin nyi ma bzang po dang / dbon dbang phyug rab brtan pa dang / rje btsun lha dbang pa rnams kyi drung du/ dam pa nyid zhing 'di nas rgya che ba'i zhing khams gzhan du phebs pa'i sa lam gyi bar chad thams cad zhi bar zhu ba'i smon lam gyi rten mi zhan tsam dang bcas phul/ dpal chos 'khor yang rtse'i dge 'dun rnams la mang ja zung sbrel dang bcas gsol ba btab/ phyag rdzas kyi lhag phran bu yod pa'i steng du/ sbyin bdag stobs ldan nyid kyi dam pa gang gi dgongs rdzogs la dgongs/ ngam ring chos sde chen po nyid du mang ja nas 'bo'i 'gyed bsngo rten dang bcas pa/ chab srid kyis dge 'dun pa drug brgya tsam dang / sgrub pa mo brgya lhag dang bcas pas kye rdor dang / 'khor lo bde mchog dang / rdo rje 'jigs byed dang / rje btsun nA ro mkha' spyod/ sbyong dkyil bcu gnyis kyi nang nas kun rig rtsa ba'i dkyil 'khor dang / 'phags pa spyan ras gzigs dbang phyug nyon mongs rang grol gyi dkyil 'khor rnams rdul tshon gyi dkyil 'khor kho na byas/ zhal phye nas gsol ba btab/ de yang rdo rje 'jigs byed pa'i tshogs dbu rje btsun ngag dbang drung gis mdzad/ kye rdor pa'i tshogs dbu tshar chen chos kyi rgyal po'i nye gnas mi phyed pa'i dad pa can bzang po rgya mtshos mdzad/ bde mchog yab bka' yum bka' rnams la rang rang gi bsnyen song gi sgrub po res bum 'dzin dang / rje byams pa shAkya blo gros drung gis kun rig pa'i tshogs dbu dang / rje dkon cog grags pas tshogs dbu mdzad nas sgrub sde rnams kyi 'phags pa nyon mongs