[A:172]'dzoms pa grags pa thogs med kyi/ /drin las ma nor sku bzhi'i rgyal srid che/ /bdag nyid bsod nams bgo skal ldan pas thob/ /'dul 'dzin dam pa dge 'dun nyi ma yi/ /zhabs pad dri med dge slong sdom pa la/ /nyis brgya lnga bcu'i spang bya de bor ba/ /dri ma kun dang bral ba'i lam gzhi yin/ /gnyis pa rdo rje theg pa spyi dang bye brag gi las la nyan bshad sgom sgrub byas tshul la brgyad de/ yongs 'dzin dam pa bcu phrag gsum dang zung gnyis bsten tshul/ phung khams skye mched ma smin pa smin par byed pa'i yi dam chos skyong mkha' 'gro nor lha dang bcas pa'i dbang lung rjes gnang gi chu bo nos tshul/ bskyed rdzogs zung 'jug gi nyams len gzhi lam 'bras gsum gtan la 'bebs pa'i 'khrid tshul rgya mtsho ltar nos nas bsnyen sgrub las/ mtha' sbyin sreg gis bskang ste lhag pa'i lha mchog du ma'i bsnyen sgrub las gsum gyi mtshan ma mngon du gyur pa'i grub pa'i mtshan ma shar tshul/ 'gro ba lha mir bcas pa'i phyag dang mchod pa smon lam gyi rten du sku gsung thugs kyi rten bzhengs tshul/ mgon med srid mtshor 'khyams pa'i nyam thag gi 'gro ba mtha' dag gi don rtse gcig tu byas tshul/ brkam chags can gyi rtag 'dzin mtha' dag bzlog pa dang tshe sgrub kyi mchog gyur sbyin pa'i phar phyin bskyangs tshul/ bstan pa rin po che spyi dang bye brag srid mtha'i bar du rgyas par mdzad pa'i bshes gnyen gyi tshogs bskrun tshul lo/ /dang po ni/ rtsod dus kyi rgyal ba gnyis pa gangs can ljongs su rdo rje 'dzin pa kun gyi gtsug rgyan mdo rgyud ma lus pa'i mnga' bdag mkhyen brtse'i dbang phyug bstan