[A:179]pa/ yum gtsor byas kyi bsdus pa/ de dag gi rgyud rgya gzhung ma tshang ba med pa'i lung / de'i thun mong ma yin pa'i bka' srung / gshin rje kA la dang bi kA la ste gshin rje dmar nag gi rjes gnang / de'i man ngag rgya mtsho lta bu'i lung / man ngag thams cad rdzogs pa'i mthar rdo rje slob dpon bdag po chen po'i dbang rgyas pa/ mdor na bdag gi yongs 'dzin dam pa dpal padma rgyal po rdo rje ye shes rtsal gyis dka' ba du ma khyad du bsad de rgyal khams chu bzhin du myul nas btsal ba'i gdams pa zab mo/ /dbang po rab 'bring tha gsum/ tshe gcig la 'tshang rgya ba'i lam zab mo 'di nyid zhal shes phra rags dang bcas te/ bdag la gcig tu gdams pa nyams su myong ba yin no/ /tshad med slu ba med pa'i skyabs mgon des/ /chos dbyings thugs kyi bang mdzod sgo phye nas/ /mthar byed gdul bya'i re ba 'gengs pa'i phyir/ /bdud rtsi lta bu'i chos de kho bos rnyed/ /byang phyogs bod kyi yul gru gang nas kyang / /'di blug gser snod gtsang ma ma rnyed pas/ /phyogs bcu'i rgyal ba sras bcas bzod par bzhes/ /mi smra snying nas nyams len dag la 'bung / /gzhan yang rje btsun mkhyen brtse'i zhabs drung du rang lo so drug pa la dpal gsang ba 'dus pa mi bskyod pa dang / 'jam pa'i rdo rje dang / spyan ras gzigs gsum ras bris la brten pa'i dbang dang / zab cing rgya che ba'i yi ge ma tshang ba med pa'i lung / dpal dus kyi 'khor lo'i rA 'bro rnam pa gnyis kyi dbang rdul tshon la brten pa byis 'jug dbang bdun/ bdag po chen po'i dbang dang bcas pa/ de'i bsdus rgyud