[A:178]mtshan dpal bzang po'i zhabs drung du kye rdo rje bka' babs rnam pa bzhi'i dbang / rgyud gsum gyi bshad bka' 'grel chen ku mu tas gtsos pa'i yi ge mang po'i lung / rdzong lugs kyi gur rigs bsdus man ngag lugs kyi dbang rdul tshon la brten pa dang bcas pa thob cing nyams su myong ba'o/ /de nas rang lo so lnga pa la paN grub chen po a bha yas bkral ba'i sta gon gcig gis chog pa'i dbang gi grangs zhe gnyis dang kr-i ya sa munytsa nas kha bskang ste dge legs su byed pa'i dkyil 'khor gsum ste rdo rje 'phreng ba rdul tshon gyi dkyil 'khor du dbang bzhi bcu zhe lnga tshig don lag len dang bcas pa/ bde mchog lo nag dril gsum rdul mtshon la brten pa'i dbang / bde mchog dkar po'i byin rlabs/ bde mchog mkha' 'gro rgya mtsho sbyangs pa'i yon tan/ sdom pa 'byung ba/ mai tri bcu gsum ma ste yab bka' dang / phag mo so bdun ma/ bcu gsum ma/ dgu ma ste yum bka' dang / dpyal a mo ghas mdzad pa'i byin rlabs sgrub thabs sogs yi ge mang po'i lung / nag po gzhung drug /bsdu ba gsum pa/ sman lngar grags pa/ sa skya pa'i nag 'bum dang bcas pa'i rgya bod kyi yi ge mtha' yas pa'i lung / gsang sngags rgyud sde mtha' dag gi yang snying ches shin tu zab pa/ bde chen ral pa gcig pa bcom ldan 'das dpal bde ba chen po lha nyi shu lnga'i rdul tshon gyi dkyil 'khor du dbang chog bsres pa'i dbang rgyas pa dang / cho ga'i lugs so sor byas pa'i dbang bzhi re re la yang dbang bzhi sbyar ba'i rgyas pa dang / yab gtsor byas kyi ye shes 'pho ba'i byin rlabs rgyas