[A:181]brten pa dang / dpal phyag na rdo rje u tsarYa'i rjes gnang rig gtad dang drag po'i me dbang dang bcas pa/ rgyud le'u dgu pa/ bcu drug pa/ nyer lnga pa sogs rgya gzhung bstan bcos mang po'i lung / 'khor lo chen po'i rtsa rgyud bshad rgyud/ de dag gi dgongs 'grel/ 'grel pa rdo rje'i myu gu sogs gsung rab ji snyed pa'i lung / gzhan yang phyag rdor che ba rnam pa brgyad kyi rang gzhung so so'i rgya bod kyi bstan bcos ma tshang ba med pa'i lung sogs tshig don lag len phra rags kun la yid ches ma rnyed bar du sbyangs shing thos so/ /a ho rtsa brgyud rab 'byams kyi spyi gzugs/ /phul phyin zas gtsang gi sras po/ /ji snyed dkyil 'khor gyi rigs bdag /gar mkhan mkhyen brtse yi dbang po/ /rab 'byams rgyal ba yi dkyil 'khor/ /grangs med thos pa 'di bsams tshe/ /lan brgyar thal sbyar gyi 'dab 'phreng / /bcu gsum sa lam gyi go 'phang / /ma reg bar du rang 'dod do/ /chos phung brgyad khri yi bzhi stong / /rgya bod paN grub kyi zhal bcud/ /yongs rdzogs bdag blo yi bum bzang / /ma lus khengs pa yi 'bras bu/ /skal ldan blo gsal gyi re 'dod/ /srid mthar skong ba 'di ngo mtshar/ /gzhan yang dpal ldan sa skya pa'i yab mes kyi pha chos gsang sngags snga 'gyur gyi snying po yang phur zhes nyi zla ltar grags pa las/ sangs rgyas thams cad mnyam par sbyor ba mkha' 'gro ma sgyu ma bde mchog dpal chen khrag 'thung he ru ka /yang dag lnga bcu rtsa brgyad kyi rdul tshon gyi dkyil 'khor du thun mong gi dbang bzhi dang / thun mong ma yin pa zla gam gcig pa'i dbang dang / dpal rdo rje