[A:183]sum cu rtsa bdun pa'i dus chos kun rmi lam sgyu mar ston pa'i zab chos ye shes kyi mkha' 'gro'i thugs bcud/ tshe gcig la 'tshang rgya ba'i nye lam/ byin rlabs kyi brgyud pa ma nyams shing / dngos grub kyi gzi 'od ma yal ba shangs pa bka' brgyud du grags pa'i thugs bcud thob pa la/ smin byed gtso bsdus bde mchog gtso bor gyur pa'i rgyud sde lnga'i dbang / bde mchog lha lnga'i dbang bzhi lus la sgrigs pa'i dbang re dang / dbang bzhi byin rlabs kyi tshul du bskur ba'i sgyu lus dbang mo ches gtsos pa'i dbang sum cu rtsa gnyis tshig don lag len dang bcas pa/ dpal rdo rje nag po chen po gur gyi mgon po gri gug lha lnga/ lha brgyad/ lha bcu gnyis ma rnams kyi dbang rdul tshon la brten pa rgya gzhung lugs dang / nag po chen po gri gug lha lnga thun mong ma yin pa snyan brgyud lugs/ sindhu ra'i dkyil 'khor la brten pa'i dbang bzhi dang / nag po chen po zhang lugs lha bcu bdun gyi dbang mthu stobs kyi dbang phyug rdo rje grags kyi khyad chos sngon byung rnam gsum las/ dpal mgon po mngon par 'byung ba'i rgyud kyi rgyal po chen po/ /le'u lnga bcu rtsa gnyis par gsungs pa'i rdo rje nag po chen po zhal bzhi phyag bcu drug pa yum lha mo brgyad kyis bskor ba/ nag po chen po zhal bzhi phyag bcu gnyis pa lha mo bzhis bskor ba/ zhal gsum phyag brgyad pa lha mo bzhis bskor ba/ nag po chen po dga' byed dbang phyug zhal gsum phyag drug pa lha mo bzhis bskor ba/ nag po chen po zhal gcig phyag bzhi pa grub pa thob pa'i rnal 'byor gnyis kyis bskor ba/ zhal gcig phyag gnyis pa lha mo