[A:184]bzhis bskor ba rnams kyi dbang ras bris la brten pa dang / de dag gi sku gsung thugs kyi rjes gnang zab mo re dang bcas ma 'dres la yongs su rdzogs pa dang / mngon dkyil las tshogs yi ge mang po'i lung / rje btsun sa skya pa yab sras kyi thugs dam gyi snying po dmar mo skor gsum la paN grub chen po nA ro ta pas bkral ba'i nA ro mkha' spyod ces nyi zla ltar grags pa'i sindhu ra'i dkyil 'khor chen por slob bshad kyi byin rlabs zab mo dang / sgrub thabs nA ro pas mdzad pa sogs dang / yab dang thun mong ba'i 'khrid yig rje btsun gyis mdzad pa sogs mkha' spyod sgrub pa la rgya bod kyi yi ge ma tshang ba med pa'i lung / rgyal chen indra bhU tis bkral ba'i indra mkha' spyod dam/ phag mo zhal gnyis ma'i byin rlabs sindhu ra la brten pa dang / phag dkar shes rab gsal byed kyi byin rlabs/ bla ma dpyal lo tsA ba'i khyad chos rdo rje rnal 'byor ma zhal gnyis ma/ dbu bcad ma/ don grub ma rnams kyi byin rlabs zab mo re dang phag mo shes rab snang ba'i sindhu ra'i dkyil 'khor du byin rlabs/ phag mo mngon par 'byung ba'i rgyud las gsungs pa'i rdo rje rnal 'byor ma lha mo sum cu so bdun ma'i dbang ras bris la brten pa dang / de rnams rang rang gi sgrub thabs las tshogs pod chung re re'i lung / thun mong bsgrubs pas mchog zhar la 'byung ba dmar po skor gsum bzhed pa mi mthun pa mang du 'dug mod/ 'di bar brgyud pa'i gtso bo bdag chen rdo rje 'chang chen po yab sras kyi dgongs pa ltar rje btsun rigs byed ma/ khro bo 'dod pa'i rgyal po/ /tshogs bdag bgegs kyi rgyal po gsum la bzhed la/ de la dpal kye rdo rje'i rtsa bshad kyi rgyud dang /