[A:186]la brten pa dbang bzhi byin rlabs tshul dang / de dag gi las tshogs kyi lung / gzhan yang ba ri rin cen grags kyis bsgyur ba'i sgrub thabs brgya rtsar grags pa la/ sgrub thabs zung dang bcas pa go drug bzhugs pa'i rjes gnang brgyad cu tham pa/ paN grub chen po abha yA ka ras bkral ba'i rgyal mtsho la/ sgrub thabs nyis brgya dang bzhi bcu bzhugs pa la/ rjes gnang brgya dang bcu lung dang bcas pa/ sna tshogs yum gyi rjes gnang ku ru kulle gsang sgrub lha lnga'i rjes gnang dang bcas pa/ kun rig sogs sbyong rgyud kyi dkyil 'khor bcu gnyis ras bris la brten pa'i dbang dang yi ge mang po'i lung / gzhan yang rang lo so brgyad pa la dpal rdo rje nag po chen po'i man ngag tshad ma snyan brgyud bzhi'i bar ma chad pa'i gdams pa rgya mtsho lta bu thos pa la/ bka' babs bzhi pa'i dang po slob dpon rnal 'byor gyi dbang phyug birU pa nas brgyud pa'i nag po chen po dpa' bo gcig pa'i rjes gnang / gnyis pa rdo rje gdan pa las brgyud pa'i sgrub thabs kun las btus kyi mgon rkyang gi rjes gnang / gsum pa kha chen paN chen nas brgyud pa'i gsang sgrub spu gri skor gsum/ bzhi pa mal lo nas brgyud pa 'di la bka' babs gnyis sam don gyis bzhi dang ldan pa snying po'i man ngag zab cing rtogs par dka' ba 'ur brgyangs can gyi mkhas grub phal gyi rna ba'i spyod yul du ma gyur pa'i gsang chen/ rje btsun sa skya pa'i gdung brgyud rim par chig brgyud du bzhugs pa'i snyan brgyud rin po che'i skor la/ chu bo'i rgyun dang 'dra ba'i bka' ma nub pa'i thog mar thun mong ba lcam dral sngags te sgrub pa dang / thun mong ma yin pa mkha'