[A:188]pa'i rgya bod kyi gsung ji snyed dang bcas te/ mdor na srung ma'i dbang po 'di nyid la yongs 'dzin dam pa rnam bzhi'i zhal sgo las thob pa dang / lhag par 'gran zla ma mchis pa mkhyen brtse'i dbang phyug gi zhabs las bstan dang bstan srung su la'ang smon pa'i re ba mi bdog pas tshig don lag len phra rags kun la sbyangs te khong du chud par bgyis so/ /snyan brgyud khrag mtsho 'khyil ba'i rba klong nas/ /bka' babs rnam bzhi yid bzhin nor bu'i mdzod/ /dngos grub srin po'i gzugs kyis bdud dpung bsreg /srid gsum sgrol ba'i khro rgyal nag po des/ /dus kun byang chub bar gyi skyel mar byon/ /gnas skabs kun tu tshogs gtor brgya rtsas bskang / /gser snod skal bzang snod ldan bu rnams la/ /khyod kyi snyan brgyud thang mar brdal nas su/ /lan grangs du mar spel te bka' rgyas btab/ /skal dman rnams la nam mkha'i padmo bzhin/ /srid mtha'i bar du bstan dang bstan 'dzin skyong / /gzhan yang stobs 'phrog nag po chen po zhal bzhi pa'i man ngag rgya mtsho lta bu nos pa la ri sul gyi rnal 'byor ma las brgyud de 'ongs pa'i bsnyen dus kyi mgon po'i rjes gnang / tsa tur mu kha dkar po'i tshe dbang / dpal mgon khyung zhal can gyi rjes gnang / sku gdod ma'i mgon po sngon du byed pa gsang sgrub kyi rjes gnang zab mo/ /sgrub dus kyi mgon po zhal khra can gyi rjes gnang thun mong dang thun mong min pa/ gdong brnyan can gyi rjes gnang dpogs chog /gnad dbab kyi mgon po/ /bram ze sngags par gtad pa rnams kyi rjes gnang zab mo re re dang mthu stobs rdzong chung pa las brgyud de 'ongs pa'i tsa tur mu kha'i rjes gnang /