[A:192]len phra rags phyag 'khrid dang bcas pa thob cing sbyangs te/ lam 'di'i phyogs la phul du phyin pa sbyangs te yod par rlom pa phal dang cung mi 'dra ba zhig bdog /rang sems 'chi med grong du 'khrid pa la/ /shangs chos thun mong thun mong ma yin pa/ /yongs 'dzin 'khrul med brgyud pa rnam gnyis las/ /'ongs pa'i lugs gnyis so sor brjod pa la/ /'jam mgon grub mchog thun mong skad du zad/ /snyan brgyud mnga' bdag mes po tshar pa rje/ /de las brgyud pa'i thun mong ma yin pa/ /gdams skor chu bo gnyis 'dus gnas gsar ba/ /khyod kyi mchog dang thun mong sgrub pa'i lha/ /grangs med cig tu bdag la legs par gdams/ /rgya bod rgyud dang rgya gzhung bstan bcos tshogs/ /yan lag bcu gnyis la sogs shing rta'i lam/ /bod yul 'gyur ba'i dam chos ji snyed pa/ /zas gtsang sras kyi rgyal tshab mkhyen brtse'i dbang / /'gran zla bral ba de yis bdag la stsal/ /skal bar bzang snyam dad pa'i blo gros rgyas/ /gzhan yang grub brnyes 'dod rgur stsol ba de nyid kyi drung du rang lo bzhi bcu pa la/ chos skyong ba'i srung ma rnam thos bu zhes grags pa'i bka' gter gsar rnying dang 'brel ba'i gdams pa du ma zhig nos pa'i thog mar gnyen po'i lha dpal phyag na rdo rje gos sngon po'i rjes gnang / de'i rgyud rdo rje sa 'og le'u gsum pa zang dkar gyi 'gyur sogs rgya gzhung bstan bcos sna bcu gsum/ zang dkar gyi stum ston la stod du gnang bas de nas brgyud pa'i stod lugs sam/ bya sder lugs su grags pa'i rnam sras ser chen lha dgu'i rjes gnang / de'i gtam rgyud gar mkhan mchog gi brtag pa phyi ma las byung ba rnam sras