[A:195]brtse bas bdag la bstan bsam gdams/ /khyod mnyes bgyid pa'i bya ba gzhan don dang / /bstan dang 'gro la phan pa lhur len las/ /rkyen ngan rdzu 'phrul che yang dbang mi 'chor/ /bde sdug 'byor rgud nad gdon gtses kyang rung / /ma rungs las ngan du mas mnar kyang rung / /khyod mnyes sgrub pa nam yang mi gtong bas/ /'dir snang tshe dang bsod nams dge sbyor la/ /phyi nang gsang ba'i 'tshe las skyab tu gsol/ /nam zhig sgyu lus bor bar gyur pa na/ /sa lam bar chad ma lus zhi nas ni/ /gang du 'tshang rgyas zhing khams der bgrod nas/ /zhal mthong gsung gi bdud rtsi 'thung bar shog /byang phyogs 'di na dpal ldan sa skya pa'i/ /rgyud sde bzhi sogs chos phung brgyad khri'i mtsho/ /rang blo ngom pa lam bzang chu thigs 'thung / /gzhan yang bod yul 'gyur ba'i srung ma'i tshogs/ /dbang 'khrid rjes gnang byin rlabs ma lus pa/ /tshe rabs kun tu khyed kyis rjes bzung nas/ /lam gyi 'khrul pa zad par byin gyis rlobs/ /mi zad 'dod rgu sbyin phyir ne'u le/ /rin chen lnga 'dus brgyud pa las byon pa'i/ /snyan grags 'byor pa'i rgyal 'bangs dbang bsdud phyir/ /rnam thos bu dang lag pa'i 'dab 'phreng sbrel/ /nam mkha'i mdzod la 'gran zla med do snyam/ /bdun ldan nor la dbang sgyur rin chen sems/ /mdza' med dbrog tu med pa'i bzhad cig gda'/ /dga' dga' 'dra na kun kyang 'di ltar mdzod/ /mi dga' na ni sdug rtsir phung rtsir mdzod/ /gzhan yang yongs 'dzin dam pa byang gling rin po che/ /paN chen grags pa thogs med/ grub mchog bsod nams dpal 'byor/ 'dul 'dzin dge 'dun nyi ma/