[A:197]gdams glegs bam/ thub pa dgongs gsal sogs sa skya bka' 'bum cha ram/ rje btsun kun dga' grol mchog gi bka' 'bum sogs mtha' yas pa zhig nos pa yin no/ /pha mtha' med kyang nam mkha'i khams la byis pas gzhal/ /rtogs pa med kyang chos kyi mtsho las sprang pos brgal/ /myong ba med kyang thar pa'i mkhar las btsan sa 'dzin/ /'gro rgyu med kyang 'og min la sogs chos nyid thim/ /rnam dpyod blo gros ldan pa'i mig bral yang / /dran pa'i bsam pas thub pa'i bstan la bya ra sgrim/ /rgyal sras spyod pa lhag bsam byang chub sems nyid la/ /rtag tu bslab dang gong 'phel smon par gyur/ /gnyis pa rnying ma ba'i dbang lung rjes gnang la/ /rnam grangs kyi sgo nas brjod na/ bka' ma dang gter mar bcas pa 'dug pa phyogs gcig tu brjod na/ kun bzang gnyis pa rigs 'dzin chen po'i zhabs drung du bka' brgyad/ bka' ma rdzong 'phreng ma dang / sde snod gsum dang / rgyud sde bzhi sogs mtha' dag gi don mdo dbang zab mo dang / de nas rang lo zhe gcig pa la/ ayon sku dngos mkhyen brtse'i zhabs drung du/ mkha' la rigs 'dzin gyi gral ma zhig /sa la dkyil 'khor gyi bkrag ma nyams/ bar du dam rdzas kyi dri ma yal ba'i gsang chen/ mnga' bdag nyang gis srin mo sbar rjes nas spyan drangs pa'i bka' brgyad bde gshegs 'dus pa/ gu ru chos kyi dbang phyug gis gnam skas kyi klu bdud nag po'i lto nas spyan drangs pa'i gsang ba yongs rdzogs/ rigs 'dzin dngos grub rgyal mtshan gyis dug sbrul dpung 'dra'i dbus mchod mdzod nas spyan drangs pa'i