[A:206]chos tshan so so/ mngal skyes nor bu'i bang mdzod/ gtan khrims/ dus khrims/ gsang sngags lam rim/ chos dbang gi ma ning / byang gter gyi stag zhon/ gza' mchog chen po/ bstan srung yongs rdzogs sogs/ zla ba bdun gyi bar la nyin mtshan khor yug tu dbang lung rjes gnang sogs chos kyi sbyin pa thang mar brdal te chos 'dod kyi re ba mthar phyin par mdzad/ bstan pa rin po che srid mtha'i bar du rgyas par mdzad pa ni bstan pa stobs kyis rgyas par mdzad pa'i sde srid kyi bka' drin dang / 'brel tshad don ldan padma rgyal po'i zhal 'od gsung gi bdud rtsis blo gros kyi bum pa khengs te padma 'od kyi gzhal yas la thal mar phyin chog pa ni padma rgyal po yab sras kyi sku drin yin pas bde na kun kyang 'di bzhin mdzad par zhu zhig /sku gsum sras gcig rgyal ba'i kha lo pa/ /chos sku gnyis pa tshul gzugs padma zhes/ /khyod nyid cig shos rigs 'dzin mtshan 'chang ba/ /bdag gi 'dren pa bka' gter du ma'i mdzod/ /rgya bod gter gnas chen po thams cad kyi/ /mchog thun sgrub pa'i chos mdzod khyod gcig pu/ /gangs can bod kyi gdul bya'i skyabs mgon de'i/ /gsung gi gsang ba ches gsang 'di thos pas/ /srid zhi mnyam nyid rtogs pa'i rnal 'byor nga / /sngags pa tshogs pa'i khrod na mi mtsher gda'/ /de nas rang lo zhe gsum pa khyi lo zla ba gnyis pa'i tshes bcu la bkra bzang la phebs/ tshes bcu'i mchod pa rgyas par gnang / de nas bkra bzang sgrub chen gyis bzhengs pa'i bla brang 'du khang sbrags pa der zhabs drung sku mtshams zhag bdun mdzad/ bdag gis kyang mkha' 'gro spyi'i yum chen e ka dza Ti'i gtor khang gi mdun du bla ma drag po dbu dgu pa'i bsnyen