[A:211]gi gtor ma bcugs pa mngon sum du blangs pa dang / yab nyid sku'i mdangs baiDUrYa dngas ba'i mdog lta bur mthong zhing mdor na des mtshon pa'i bsnyen rtags phran bu byung ba rnams ni brjed par thal lo/ /de grol 'phral dgon pa der myug gi chen po rnams kyis gtsos pa'i mi grangs brgya lhag cig la tshe dbang grub rgyal ma zhag tu sgrubs pa'i de nub sir ri zhes pa'i sgra dang thig pa'i skad cig 'dug gang yin nam snyam ba ma gtogs shes rgyu ma byung / sang ltas pas tshe chang gi snod nyung ngu ma song ba'i khar de ltar khol zhing lud nas nyal sa tshe chus khengs nas 'dug mod/ tshe dbang rgyas par byas dbang re bskur bas tshe'i bar chad kun bsal nas phyi nang gi bgegs thams cad grol 'gro ba 'di de dus nas bzung da lta'i bar du yod kyang kun gyis go bar mi gda'/ de nas sde pa'i bka' lung la khyed mtshams grol 'dug pas che ba brgyad kyi nang nas rdo rje rnam 'joms khrus kyis che ba'i steng nas yul phyogs 'di nyid kyi lha mi kun la khrus gsol zhig byed dgos phebs pas de ltar byas/ brgyas pa rgyud sde nas gsungs pa ltar yid ches nges byas/ bum pa sku bzhi ye shes lnga'i bdag nyid chos sku'i dung chos/ chos dbyings ye shes kyi mchod yon phul ma thag /bum pa de nyid mchu dang kha nas khrus chab chil chil lud byung bas/ zla bo kho na re chu blug drags pa yin pa 'dra zer/ de gar gda' byas/ rgyal po yul phyogs lha mi kun gyi ma rig pa'i bag chags dri ma drug dang bcas pa bsal zhing dag par byas so/ /mtha' yas gdul bya gzhal yas nam mkha'i khams kun tshad med skyong ba mkhyen brtse'i dbang phyug khyod las gzhan/ /grub pa'i dbang po