[A:229]gi rten 'brel legs tshogs mang po dang bcas byang chub sems dpa' sems dpa' chen po rgyal sras rin po ches byin gyis rlabs pa'i khri chen po gsum gyi nang nas rta ra bla brang zhes phyi nang stong nyid du yod pa de nyid byed dgos pa byung zhing / de nyid zhabs stegs seng ge'i khri la ci yang mi shes bzhin du sdod dgos pa byung ste/ bsams na sngon gyi rmi lam kho yang bden pa e yin/ lar rmi lam 'khrul pa las ma 'das mod/ phyis gnas mjal byas pas gtsang khang de na sngon gyi nas sogs ni yod pa tsam las mi 'dug /gang ltar lha de yang dre'u zhon pa zhig las mi gda'/ phyis rjes gnang sogs chos skor gyi gsol ba btab kyang ye ma byung / khyed rang gis mthong ba tsam gyis mi chog gam gsung ba des chog pa yin nam bskang gso sogs byed pa ni ye ma byung / sngon gyi lha des sngon du lung bstan stsal/ /mngon sum gsal nas mngon du gyur pa 'di/ /dngos kun gsal gzigs dngos byon bla ma des/ /dngos por dril nas dngos grub ya mtshan gnang / /yang bsnyen pa de nyid kyi zhag kha yar song ba'i rmi lam na/ zhabs drung chibs pa zhel le ba zhig la chibs na bza' hrul le ba bzhes/ zhal cung zad nongs pa tsam mdzad nas phebs byung / bdag gis phyag 'bul byin rlabs zhus/ sku rdab yong ba 'dra zer ba zhus pas cang mi gsung bar phebs song / gnyid sad byung bas sku dog chen po 'dug pas zhe blo ma bde ba'i mthar thug pas ji ltar drag snyam pa ci bya la 'das/ da gzhan thabs gang byas kyang bzhugs pa'i