[A:236]brgyan pa'i gzi brjid lta bar mi bzod pa lta bu zhig 'dug pa de bdag gi rtsar rgyangs te mchongs byung bas/ bred dngangs shin tu che ba zhig gi ngang la lag na sngags 'dren pa'i 'phreng ba raksha 'jigs su rung ba de 'phyar nas skyon pas/ mdun gyi zhal ba la cag sgra dang bcas pas phog byung bas gnyid kyi rnam pa de had de sang byung ba nas/ spre'u ni mthong sa na mi 'dug /zhabs drung de lta bu ni ma bzhugs/ rmi lam yang de 'dra ba las gang yong 'khrul pa rgya 'byams pas lan mod/ gang ltar rgya 'dre ma rungs pa drag shul can zhig ni yin pa 'dug /da snga yan du 'dre gdon gyi gtses pa yong ye ma myong zhing / ltos bcas kyi skye 'gro gang de la nged rang gi srung ba'i sbyor ba byas pa kun la gnod pa mi yong zhing / bgegs gang yin de las 'phral du grol ba ni kun gyi mig sngar phebs pa 'di lags/ lar 'dzam gling chos kyi nyi ma de nyid bde skyid kyi dpal 'phrog pa'i phyir du zhing 'di nyid mun pa'i gling du byas nas chos sku'i dbyings su phebs/ rtag 'dzin can gyi zhen pa bzlog pa'i phyir du me tog gi char nyin mtshan sbrel nas kha ba babs pa ltar mdzad nas gshegs/ rje btsun nyid kyi ye shes kyi gzigs pa dam pa rgyun mi 'chad mnga' ba los yod/ las ngan can bdag cag rnams tshogs gcig tu 'dus pa'i dus 'dir khyed kyi thugs rjes gtong ba phod pa snyam dran med du brgyal/ yang dran pa gsos tsa na bsam bzhin mchi ma ni ri gzar gyi chu ltar du 'bab/ lag pa'i thal mo ni mgar ba'i lcags tho ltar brang la 'thab/ kye hud khyod sku mthong ba dang