[A:242]bka' drin bskyangs/ btsun khral zhig gnang 'dug pas dam pa de nyid kyi mkhan po dang / bdag gis las slob byas te zhag grangs nyi shu bgrangs pa la bar ma dge tshul gyi sdom pa phog /bstan pa rin po che dar zhing rgyas pa'i smon pa rgya cher sgrub cing dar rgyas kyi 'go btsugs pa yin no/ /de nas nga gnyis pa stag lo chos lung du kye rdor gyi dbang dang mgon po'i phyi nang gi rjes gnang thun mong ba sogs 'dod chos zhu ba mang po'i re ba bskang / sde pa'i ban tshang pa zhes skad kyi 'byon pa ku ru dang mnyam pa rtags su bkod pa la rngam sems me ltar 'bar ba chu nang gi rdo bzhin du gnas pa rnams kyi khrod du/ sde pa'i sku rim la mi mthun bzhin du mgon po'i gtor bzlog cig byas/ 'di'i gtor bzlog gi gzhung dang bla ma mkhas pa mtshan nyid dang ldan pa rnams kyi zhal shes brgyud ldan rnams kyi phyag bzhes mthong brgyud dang bcas pa la/ zor gtor zur gsum par byas te de mthun skyed chog sogs zangs gri can la byed la/ de rnams mi ldan pa'i phyir phyag len gya tshom dang rol mo'i 'ur sgra gang che dang skad yod pa gtso bor byas pa'i rgyu mtshan mdzad pa rnams dang stabs cig tu byas te pu tra'i rtag gtor de nyid 'phangs pas/ skyes pa rtsal chen gyis mda' 'phangs pa ltar mig gis mthong tsam du song / /de nas kyang me dpung ri klung kun gsal ba lta bu'i 'od dang bcas nas song bas/ der yod pa rnams 'di lta bu ni nges par mgon po 'grub pa'i rtags zhing bcu sgrol ba la gcig tu dpa' ba yin pa 'dug zer bdag la yang da snga ci yang mi shes shing ro za ba dang