[A:247]gang gi khrims 'phrad mdzad kyang bdag skya ser rnams la 'khri ba rtsa ba nas med/ sngar byon pa'i mi sna tsho la rtsis 'bul mi bdag yin/ dngos po'i rigs 'di 'dra byas tshul rim pas bsnyad pas dngas/ bka' 'gyur gser ma de nyid gtsang la khur ba sogs mi 'dod pa du mas mnar ba nas mi ser thams cad sdug thug /dka' bzhi pa zer ba'i sde pa'i nang blon khrel gzhung nam mkha'i glog pas thung ba de nyid tho thal btang / de la brten pa'i bya ba ngan pas gzhi byas skya ser mi chags par thug pas/ gzhan ma 'go yod ni mi 'dug snying rje'i yul du gyur pa rang 'di rnams su 'dug pa snyam dka' ba dang du blangs/ yul dang yul gru thams cad bde na snyam pa dang 'jig rten bde zhing zhes smon pa'i rtsis na dngos su lag len byed pa la ngal dub dang bgyid lug med par rang don spangs pa'i bya ba nyin mtshan ngo mi shes par byas pas thams cad rang gnas su 'drongs pa zhig byung / de ltar lus ngag longs spyod sogs kun gyi ngal ba khyad du bsad pas don la sems can gyi don chen po dngos su bgyis pas rgyal ba dgyes pa'i thabs las gzhan ma mchis so/ /de skor gyi gnas tshul mang dag cig 'dug mod/ yi ger bkod pa la don dang bral bas dgos pa med/ gang ltar lha sa pa skya ser bde ba'i go skabs thob pa'i khungs byas/ bdag gis 'dar stod bla ma'i gdan sar yongs/ zla ba bcu gnyis pa'i nyer gcig la sngar gyi grwa khang nyid du zla ba phyed gsum gyi bar la drug cu thor pa la rdo rje nag po chen po gur gyi mgon po'i phyi 'khrid phyi nang