[A:346]su mnal lam bzang po phyis mdzad 'phrin dang don 'byor pa byung tshul sogs ni 'og ngo mtshar ba'i ltas kyi skabs su 'chad do/ /kun ldan zhes pa lcags pho byi lo dgung lo nyer dgu'i steng du phebs mtshams/ dgun chos steng du bka' brgyud yongs kyi gtsug rgyan thub pa'i bstan pa dang / gzhung lugs mtha' dag dang / gzhan yang mkhyen yangs dpag med rgyas pa rgyal dbang karma pa zhwa dmar thams cad mkhyen pa sprul sku gar gyi dbang phyug de nyid ngam ring chos sde chen por bstan pa'i rnam gzhag la 'khor mkhas grub du ma'i tshogs dang / sde dpon rigs yang bran gyi tshogs mang pos bskor te chibs kyi kha lo bsgyur ba'i sgo dod pa dang / mdog dkar gung de ngam ring chos sde chen po'i las chen dgos pa'i grwa tshang zhig yin pas bgres thog sku yon che ba 'ga' yod kyang sprul pa'i sku de mkhyen pa'i sgra dbyangs mtho bar brten sku yon che nges pa zhig gzhung bsgyur mkhan la mi dgos kha med kyi byang chos rgyal mchod yon bka' bgros te/ dam pa 'di nyid sku nas gzhon kyang las chen slob dpon du bsko gzhag gnang zhing sprul pa'i sku de nyid kyis slar chos sde chen por gtan tshigs rab dbye ma lta bu la'ang / rgya bod chos bon so so'i bshad tshul mi 'dra ba bcu gcig rang gnang ba sogs gzhung lugs mtha' yas pa la bshad tshul sbyor bkod bsam las 'das pa gnang ba la/ dam pa 'di nyid kyis gang la gang dgos thams cad thogs med du byung 'dug cing / lo de nyid la 'dul ba'i spyi don