[A:༣༤༦]སུ་མནལ་ལམ་བཟང་པོ་ཕྱིས་མཛད་འཕྲིན་དང་དོན་འབྱོར་པ་བྱུང་ཚུལ་སོགས་ནི་འོག་ངོ་མཚར་བའི་ལྟས་ཀྱི་སྐབས་སུ་འཆད་དོ། །ཀུན་ལྡན་ཞེས་པ་ལྕགས་ཕོ་བྱི་ལོ་དགུང་ལོ་ཉེར་དགུའི་སྟེང་དུ་ཕེབས་མཚམས། དགུན་ཆོས་སྟེང་དུ་བཀའ་བརྒྱུད་ཡོངས་ཀྱི་གཙུག་རྒྱན་ཐུབ་པའི་བསྟན་པ་དང༌། གཞུང་ལུགས་མཐའ་དག་དང༌། གཞན་ཡང་མཁྱེན་ཡངས་དཔག་མེད་རྒྱས་པ་རྒྱལ་དབང་ཀརྨ་པ་ཞྭ་དམར་ཐམས་ཅད་མཁྱེན་པ་སྤྲུལ་སྐུ་གར་གྱི་དབང་ཕྱུག་དེ་ཉིད་ངམ་རིང་ཆོས་སྡེ་ཆེན་པོར་བསྟན་པའི་རྣམ་གཞག་ལ་འཁོར་མཁས་གྲུབ་དུ་མའི་ཚོགས་དང༌། སྡེ་དཔོན་རིགས་ཡང་བྲན་གྱི་ཚོགས་མང་པོས་བསྐོར་ཏེ་ཆིབས་ཀྱི་ཁ་ལོ་བསྒྱུར་བའི་སྒོ་དོད་པ་དང༌། མདོག་དཀར་གུང་དེ་ངམ་རིང་ཆོས་སྡེ་ཆེན་པོའི་ལས་ཆེན་དགོས་པའི་གྲྭ་ཚང་ཞིག་ཡིན་པས་བགྲེས་ཐོག་སྐུ་ཡོན་ཆེ་བ་འགའ་ཡོད་ཀྱང་སྤྲུལ་པའི་སྐུ་དེ་མཁྱེན་པའི་སྒྲ་དབྱངས་མཐོ་བར་བརྟེན་སྐུ་ཡོན་ཆེ་ངེས་པ་ཞིག་གཞུང་བསྒྱུར་མཁན་ལ་མི་དགོས་ཁ་མེད་ཀྱི་བྱང་ཆོས་རྒྱལ་མཆོད་ཡོན་བཀའ་བགྲོས་ཏེ། དམ་པ་འདི་ཉིད་སྐུ་ནས་གཞོན་ཀྱང་ལས་ཆེན་སློབ་དཔོན་དུ་བསྐོ་གཞག་གནང་ཞིང་སྤྲུལ་པའི་སྐུ་དེ་ཉིད་ཀྱིས་སླར་ཆོས་སྡེ་ཆེན་པོར་གཏན་ཚིགས་རབ་དབྱེ་མ་ལྟ་བུ་ལའང༌། རྒྱ་བོད་ཆོས་བོན་སོ་སོའི་བཤད་ཚུལ་མི་འདྲ་བ་བཅུ་གཅིག་རང་གནང་བ་སོགས་གཞུང་ལུགས་མཐའ་ཡས་པ་ལ་བཤད་ཚུལ་སྦྱོར་བཀོད་བསམ་ལས་འདས་པ་གནང་བ་ལ། དམ་པ་འདི་ཉིད་ཀྱིས་གང་ལ་གང་དགོས་ཐམས་ཅད་ཐོགས་མེད་དུ་བྱུང་འདུག་ཅིང༌། ལོ་དེ་ཉིད་ལ་འདུལ་བའི་སྤྱི་དོན་