[A:349]la zin bris gnang ba'i yig cha yang dag pa'i rgyun mang du yod cing / khyad par rdo rje 'jigs byed kyi bla ma'i rnal 'byor gyi skabs bla ma de nyid la 'jam dpal dngos kyi 'du shes byung ba nas/ gsung rab gang la yang blo gros spobs pa gzhan dang mi 'dra ba zhig byung gsung 'dug pa'ang thos la/ sngags 'chang de nyid bka' drin che ba'i bla ma mchog tu mdzad do/ /dgung lo sum cu pa'i steng slob dpon du phebs lo thub bstan mkhan chen lung rigs smra ba'i dbang phyug bstan pa'i dpal yon bzang po can de'i drung du gsung ngag lam 'bras mkhan chen rang gis spyan snga rje la ji ltar gsan pa bzhin mgon rkyang gi rjes gnang tshun dpal ldan ngor pa'i phyag len sgra ji bzhin gsan cing / de skabs zin bris gnang ba'i sngon 'gro chos kyi byung khung sogs kyi rnam gzhag /dam tshig gi bshad pa/ rdo rje tshig rkang gi rnam bshad sogs yig cha yang dag pa du ma yang gnang la/ bsnyen par rdzogs sa yang mkhan chen 'di ga yin pa dang / snga phyir bka' drin che bas 'dren pa mchog cig 'di la mdzad do/ /de'i skabs rnams su rdo rje slob dpon gyi las su rung ba'i gzhi bsnyen/ kun rig sogs grangs dang mtshan ma'i gsung bsnyen so so yang skabs dang skabs su yang gnang zhing / de nas 'dar rnam rgyal stag rtser zhal ngo rnams kyi dbu blar bzhes te/ dad gus zhabs tog phul phyin sbyin bdag mthil mdzad/ sde pa so sor rgyal po'i zhud kha byung ba la'ang dam pa 'di'i ljags mchil