[A:355]byung ba dang / du ba las ni me yod dang / /chu skyar las ni chu shes ltar/ /byang chub sems dpa' rnams kyi ni/ /rigs ni mtshan ma dag las shes/ /zhes gsungs pa ltar gyi nang gi yon tan mtha' dag rtogs te/ chos sde grub mtha'i zhal 'dzin mi gcig pa'i de skabs kyi grwa rigs dge bshes thams cad rin po che ngag dbang pa skyes bu tshad ma yin zhes zhal mthun par sgrog cing / dge bshes de dag phyis bla mar 'phar ba kun kyang gsang sngags phyogs kyi thugs dang / skyabs gnas kyi mthar thug 'dren mchog 'di kho na la zhu ste 'di'i zhal slob tu ma gyur pa med pa lta bu yin 'dug /de'i skabs shig 'dzad chos sgor mus chen bsod nams lhun grub zhabs drung du 'khor lo bde mchog gi chos skor kha shas kyang gsan 'dug la/ thog mar slob dpon mdzad skabs nas bzung mkhan thog gi skabs dang / phyis nas kun spangs mdzad skabs thams cad du sde snod rgyud sde'i gsung rab mtha' dag blo gsal rnams la dngos su sgra dbyangs rgyun mi 'chad par sgrog par ma zad/ slad kyi blo gsal ma 'ongs pa rnams kyi thos bsam gyi rten gzhi dang / bstan pa rin po che'i zhabs 'degs la dgongs pa'i bskul ba so so'i don snga phyir mdzad pa la/ tshad ma rig gter gyi blo rigs skabs la dgongs pa'i rnam bshad ngo mtshar ba shog grangs nyis brgya lhag tsam yod pa/ phar phyin gyi spyi don kun mkhyen chen po'i dgongs pa gsal ba/ chos 'khor gyi bshad pa lung gi sgron me/ dbu ma 'jug pa'i spyi don theg mchog gnad