[A:364]rnams dri ba dris lan gyi sgo nas bstan pa la zhal gsal mdzad pa sgra ji bzhin byung 'dug pa spyi sgos thams cad kyi bstan pa'i mig ltos la shin tu phan par mngon lags so/ /de nas dgung lo nga bzhi'i bar bla brang rdzong du lam 'bras tshar gcig dang sku mtshams gtso bor mdzad/ 'dar grang chen du rdo rje 'dzin pa yongs kyi gtsug rgyan grub mchog dbang phyug rab brtan gyi zhabs pad kyang yang yang bsten te/ gnyan gyi mgon po'i las bzhi'i rjes gnang / mkha' 'gro rgya mtsho'i dbang / dgra nag /gdong drug gi dbang dang / shangs chos tshar chos kyi sngar ma gsan pa'i 'phros thams cad zhib tu gsan/ thugs dad kyang shin tu che bar mdzad/ khro mo zhes pa shing mo glang lo dgung lo nga bzhi pa la rtse gdong zhabs drung gis zhabs tog gi mthun rkyen bka' drin bskyangs te/ dam pa 'dis chos 'khor lha sar zhabs skor 'bum ther thugs rus shin tu che ba'i sgo nas gnang 'dug skabs mnal ltas khyad par can byung ba'i tshul phyis gdan sa chen por sngags 'chang thams cad mkhyen pa la bka' stsal 'dug pa yang 'og tu 'chad do/ /de nas dgung lo nga drug par phebs pa rab byung zhes pa me mo yos lo cho 'phrul chen po'i steng du bod kyi rdo rje gdan dpal sa skya'i rje btsun rin po che'i sku 'dra mdze thod mar zhabs skor 'bum ther gsog par phebs te/ de'i tshe rigs sngags 'chang ba yongs kyi gtsug rgyan sngags 'chang thams cad mkhyen pas snga sor nas kyang dpon slob shin tu thugs nang dag pa 'dug pa bzhin/ slar dbu blar bzhes rtsis kyi chos sde phan tshun 'dus pa'i tshogs