[A:382]sgra gcan gyis/ /nyi zla bzung zhing dkar phyogs lha rnams nyams/ /'dzin ma'i ljongs su nad mtshon mu ge yis/ /skye bo'i tshogs rnams nyam thag nga ro shor/ /thub bstan so sor bshad sgrub 'tsho ba'i rgyun/ /cha shas bri bas dge 'dun nyam nga zhing/ /bstan 'dzin kun kyang thugs ngal cher mdzad pa'i/ /kye hud 'di 'dra'i dus skabs deng 'dir byung / /byin rlabs thugs rje nor bu'i mdzod 'dzin pa'i/ /ded dpon stor ba'i tshong phrug ji bzhin du/ /bdag sogs ltos bcas mgon med 'gro 'di rnams/ /khyed kyi thugs rjes dbyings nas ma 'dor mdzod/ /mgon khyod gshegs pa'i mya ngan mthor rlung gis/ /slob tshogs thos bsam bde ba'i snang gsal dang / /thub bstan sgron me bsnub la nye ba yis/ /dus ngan 'di la'ang khyed kyis thugs rjes gzung / /sngon du mjal ba'i skal bas dben pa yi/ /bdag sogs dad pa'i bu slob mgon med la/ /rmi lam la sogs nyams snang 'char sgo la/ /sku ston gsung gis sgro 'dogs dpyad du gsol/ /khyed sngon zur phud lnga par gyur pa'i tshe/ /bskal bzang buddha stong la'ang sems bskyed pa'i/ /grogs ldan mdzad na deng gi dus ngan la/ /bde skyid stsol ba'i thugs bskyed cis mi mdzad/ /'dzin ma'i ljongs su 'bru bcud lo phyugs legs/ /skye rgu mtha' dag phan bdes ngal bsos shing / /bshad sgrub thub bstan dri med dar ba zhig /'dren mchog khyed kyis thugs rjes myur du gzigs/ /de nas tshes bcu gnyis la/ mkhas btsun bzang po'i phul phyin dam pa de nyid kyis thugs mchog tu brtse ba'i bshes gnyen chen po lung byung mkhan rin po che mtha' yas pa dang / thugs sras dkar leb