[A:384]gi ring lta bu la lam 'bras zhu mi rnams kyi so so'i bsam pa dang mthun par 'ga' zhig la rdo rje gur gyi 'khrid tshul/ 'ga' zhig la rdo rje rnal 'byor ma lta bu/ la lar dmar 'khrid/ la lar blo sbyong skor sogs du ma re gnang bas/ 'dren pa 'di zla ba gnyis gsum re zhabs pad bsten thub pa rnams kyi'ang / chos rnam grangs du ma re thob yod/ de byung bas dam pa 'di'i zhabs la gtugs tshad gzhan dang mi 'dra ba'i mos gus dang ldan zhing / don tshang ba 'ba' zhig yong bas chos 'brel thob cing dad mos dang ldan pa ni shin tu mang ba stod smad bar gsum ma khyab par med cing / 'phrin las zhal rgyun bzang po skyong ba'ang mtha' yas pas brjod kyis ga la ldang / 'on kyang gtso bor gyur pa rnams brjod na/ rtse gdong nas khams gsum 'gro ba'i bla ma dpal sa skya pa 'jam dbyangs kun dga' bsod nams lhun grub/ de'i gcung thugs rje chen po 'jig rten dbang phyug /dbon rin po che bdag chen byams pa bsod nams lhun grub sku mched gsum/ gdan sa chen por dpal sa skya pa rig sngags 'chang ba'i paNDi ta 'jam dbyangs kun dga' bsod nams/ sprul pa'i skyes mchog spyan snga tshul khrims 'bar ba'i sku'i rnam 'phrul gdon mi za ba rgyal sras kun dga' don grub rnams ni phar slob tshur slob kyi zhal slob yin la/ gzhan yang deng dus kyi kha'u snyan brgyud 'dzin pa kun gyi yang rtse bkra shis rtse'i mkhan po mkhyen rab dang mthu stobs kyi mnga' bdag rje dbon mgon po bsod nams mchog ldan/ bka' brgyud chu bo gnyis 'dus kyi mnga' bdag sgam po rin po che phyag rdor nor bu/ thub bstan rnam rgyal gyi mkhan po mkhas mchog chos rnam rgyal/ de'i gdan sa mkhan chen kong ston mkhas pa'i dbang po don grub dpal bzang / de'i gdan sa mdo sngags