[A:340]rab bka' bstan bcos gangs can du 'gyur ba yod do cog gi spyi gzugs/ rgyal ba sras dang bcas pa'i thugs bskyed byams pa chen po snying rje gsum dang bcas pa thams cad kyi mnga' bdag /rim gnyis snyan brgyud zab mo lta ba'i gnad ma lus pa'i snying po/ /byin rlabs yid bzhin gyi nor bu lon pa'i ded dpon/ bshad sgrub kyi thub bstan mtha' dag gsal bar 'byed pa'i nyin byed/ dkyil 'khor rgya mtsho'i rigs bdag drug pa rdo rje 'chang chen po ngag dbang chos grags zhes khams gsum zhing mchog dag pa dang bcas par yongs su grags pa'i dpal ldan bla ma de nyid ni 'og min gyi zhing gi rdo rje 'chang chen po nyid mi mjed kyi zhing 'dir/ spyir thub pa'i bstan pa mtha' dag dang / khyad par rje btsun sa skya pa'i bstan pa'i gsal byed du nges par dge ba'i bshes gnyen chen po'i skur bstan pa yin la/ de nyid kyi rnam par thar pa rgya mtsho las bdag blos gzhal bar nus pa chu thigs tsam mdor bsdus brjod pas/ gang du skye ba bzhes nas gzhon nur rab tu byung ste mkhas grub du ma bsten cing thos bsam gyi sgro 'dogs bcad tshul/ de don bshad sgrub zung 'brel gyi sgo nas bstan pa rin po che ches cher gsal bar mdzad tshul/ bla ma dang yi dam lhas rjes su bzung ba'i byin rlabs yon tan khyad par can mnga' tshul/ zhing 'di'i mdzad pa rdzogs te gzugs sku chos dbyings su bsdus pa'i tshul/ bstan 'dzin gyi skyes bu bskrun pa'i sgo nas chos kyi 'phrin las rgyun mi 'chad par spel tshul rnams su