[A:341]yod pa las/ dang po ni gang du sku 'khrungs pa'i gnas gangs ljongs kyi rdo rje gdan dpal ldan sa skya nas nub byang mtshams su dpag tshad phyed dang gnyis tsam bgrod pa/ 'dar stod bla ma'i gzims spyil dang khad nye ba sems cher zhes pa'i sa char yab gso ba rig pa sogs lugs gnyis la mkhyen yangs mtho ba drung 'tsho phun tshogs pa zhes pa dang / yum mkha' 'gro'i mtshan ldan phan thogs skyid ces pa gnyis kyi sras bar par rgyal zla'i lo tshes pa'i lugs kyi anggi ra zhes pa chu pho spre'u'i lo rgyal zla ba'i gza' phur bu dang / rgyu skar rgyal 'dzom pa'i 'grub sbyor bzang po'i tshes la sku bltams te/ chung dus nas klog sogs tshegs med du mkhyen cing sngon nas legs spyad kyi spyod pa rlabs po che la yun ring nas goms pa'i shugs kyis byis pa'i spyod pa las 'das pa dul ba'i rang bzhin can du yod par grags la/ de nas dgung lo bcu gcig skor phebs skabs g.yas ru byang zhabs drung nas bdag po sku mched gzigs phyogs ma gcig pa'i zhabs drung bkra shis stobs rgyal drung shar la phebs dgos shar ba dang / dam pa 'di'i yab bdag po'i bla sman du song ba'i phyogs ris kyis skor cig chos 'khor lhun por phebs dgos byung bar brten/ dam pa 'di yang sku phra ba'i dus chos 'khor lhun por lo gcig tsam bzhugs par de'i mkhan po kun mkhyen ngag dbang grags pa zhes bshes gnyen byang chub sems dpa' des brtse ba cher mdzad cing lung bstan sogs kyang gnang bar grags la/ phyis rang 'grel rgyugs