[A:344]'grel rgyugs 'bul dang / de'i phyi lo rab 'byams grwa skor gdan sa chen po dang / rim gyis ngam ring dga' ldan byams pa'i pho brang sogs su bstan pa'i rnam gzhag tha mal gyi blo'i spyod yul las 'das pa'i rgya cher gnang ba la brten mkhas mchog snyan pa'i ba dan srid pa gsum na g.yo ba'i 'go de nas tshugs pa byung 'dug go /de dag gi skabs chos mtshams sogs la gsung ngag chos kyi 'byung sa'i gnas mchog mang mkhar ri bo'i mgul pa slob bshad nor bu gling gi dben gnas su mkhas mang rgya mtsho'i ded dpon yongs 'dzin klu sgrub rje'i zhabs pad bstan te/ gsung ngag rin po che slob bshad du grags pa'i sngon 'gro snang ba gsum gyi 'khrid nas bzung thugs bskyed chen mo/ slob ma rjes 'dzin dang bcas pa'i rgyu dbang smin byed rdul tshon gyi dkyil 'khor chen por dbang stegs aShta'i bzlas lung gi phyag len rgyas pa dang bcas te dbang bskur ba/ dngos gzhi rgyud gsum gyi dmigs 'khrid smin rgyas sgyu lus rmi lam bar do'i dmigs chung thun re dang bcas pa/ de dag gi skabs su dngos gzhi tshugs mtshams nas bla ma'i byin rlabs tshar gsum khug pa/ 'khor 'das dbyer med kyi 'khrid kyi skabs tsam la bdag med lha mo bco lnga'i smin byed kyi dbang dang byin rlabs/ rmi lam bka' rgya ma sogs sngon 'gro chos kyi byung tshul rgyas pa nas bzung / dam tshig gi bshad pa/ phyi nang gi bskyed rim gyi bshad pa/ lus dkyil gyi dbang / lam zab phyi nang gnyis/ rnal 'byor dbang phyug birWa pa'i byin rlabs thun mong dang thun mong ma yin pa