[A:༤༦༧]དང་འགྲོགས་ནས་འདུག་ལབས་པར་དོགས་པ་སྐྱེས་ཏེ་གསང་ཐབས་ཀྱིས་འདར་དང་བཀྲ་ཤིས་རྩེར་མང་ཇ་བསྐོལ་འདུག་རུང་སྐོར་ཐེངས་དེ་གའི་ཡར་ལམ་ང་ལ་གྲང་མོ་ཆེ་ནས་འབོད་མི་བྱུང་ཟེར་བ་སོགས་རིག་པ་མ་ཟིན་པའི་འཆལ་འཆོལ་སྣ་ཚོགས་པ་སྨྲ་བཞིན་པའི་ངང་ལ་འདས་པའི་སྐད་ཆ་གསན་པས་ཐུགས་སྙིང་རྗེ་ཆེན་པོའི་སྒོ་ནས་སྐྱབས་འཇུག་གནང༌། ཐེངས་ཤིག་མནལ་ལམ་དུ་བླ་མ་རིན་པོ་ཆེ་བསོད་ནམས་ཆོས་འཕེལ་ཕེབས་ནས་འདར་བའི་སྡེ་པ་འདི་ཚོ་ལ་སྐྱབས་འོག་བྱེད་མཁན་མི་འདུག་པས་ཁྱེད་ཀྱིས་མཛད་དགོས་གསུང་བ་ཞིག་བྱུང་བ་ལྟར་ཆེད་དུ་གཉེར་པའི་སྲུང་བ་རྡོ་རྗེའི་ར་གུར་དུ་ཆུད་པ་གནང༌། དེའི་རྒྱུ་མཚན་ཡང་སྔར་བདག་པོ་སྔགས་འཆང་ཆེན་པོས་ཚར་ཆེན་ལ་ངེད་རང་གཉིས་མཐུ་འགྲན་གསུངས་པར་ཁོ་བོ་རྨི་ལམ་ཙམ་དུའང་ས་སྐྱ་པར་མཐུ་མི་བྱེད་ཞུས་ཀྱང་མ་གསན་པར་དེས་ན་འདར་གདོང་གཉིས་ལ་ཐུག་པས་ངེད་ཀྱིས་གདོང་དགའ་བར་ལས་སྦྱོར་བྱེད། དེ་ནས་སྲུང་འཁོར་མཛོད། འདར་ལ་ཡང་དེ་དང་དབྱིབས་མཚུངས་ཚུལ་གྱི་ཞལ་ཁྱད་སྤར་པས་ཚར་ཆེན་ཆོས་ཀྱི་རྒྱལ་པོས་དགུན་འཁྱགས་པ་ཆོམ་ཆོམ་ལ་གདོང་དགའ་བར་ཐོག་དབབ་པ་དང་རིན་པོ་ཆེ་དགོན་གསར་པའི་ཞལ་ཆེམས་སུ་གདོང་དགའ་བའི་མི་རྩ་མ་ཆོད་བར་དུ་ཁོ་བོའི་པུར་དེ་ཕྱོགས་སུ་ཁ་བསྟད་ལ་ཞོག་གསུངས་པ་ལྟར་གདན་ས་ནས་ཀྱང་འདར་ཕྱོགས་ལ་གཏོར་བསྐུལ་འདྲ་གནང་ཚོད་ནས་ཉེར་འཚེ་བྱུང་དོགས་ལ་དགོངས་པར་འདུག །སྐབས་ཤིག་ཀུ་རུ་ཀུལླེའི་རྗེས་གནང་སྩལ་དུས་ཆར་ཆེར་བབས་ཤིང་ཚོགས་བདག་གི་ཚེ་ཇ་གཏོས་ཅན་འབུལ་མི་བྱུང༌། ཤིང་ཕོ་