[A:༤༦༦]པ་ཡོན་མཆོད་ཀྱི་སྙན་འབུལ་དང་བསྟུན་ཆུ་ཕག་མགོ་ཟླ་བའི་དུས་ཚེས་དགེ་བར་བསྟན་པའི་བདག་པོ་ཚར་པ་ཆོས་རྗེ་ཡབ་སྲས་ཀྱི་གདན་ས་འདར་སྟོད་ཆོས་འཁོར་ཡང་རྩེའི་སེང་ཁྲིར་ཕེབས་ནས་ཕྱོགས་དེའི་སྐྱེ་རྒུ་ཀུན་ལ་འཁོར་ལོ་རྣམ་པ་གསུམ་གྱི་སྒོ་དང་པོ་ཕྱེ། དབུས་གཙང་ས་ཁད་འགྱངས་པའི་གཤིས་མཁན་རིན་པོ་ཆེ་གཞོན་ནུ་བློ་གྲོས་ཀྱི་པུར་སྦྱངས་ལ་སྐུ་དངོས་ཕེབས་མ་ཐུབ་པར་ཞབས་དྲུང་དབོན་རིན་པོ་ཆེ་རྫོང་བདའ་གནང༌། དུས་ཤིག་ཞལ་དཀར་གྱི་གསོལ་ཇ་བོ་བས་ཕྱག་ཚིག་ནས་སར་ལྷུང་བ་དཀར་འཁྱིལ་འཁྱིལ་འཁོར་བ་ལས་གས་ཆག་ཡེ་མ་བྱུང་བ་ཕྱིས་སུའང་ཡོད་པར་སྣང༌། འདར་བཀྲ་ཤིས་སྡིངས་ཞེས་པའི་སྔགས་པ་ཡོན་ཏན་ཅན་དུ་བྱེད་པ་ཞིག་ལ་སྡེ་པ་བསམ་གྲུབ་པའི་གཡོག་གིས་གནོད་པ་ཆེར་བྱས་པར་བརྟེན་སྔགས་པ་འཆི་ཁར་ལོག་པའི་སྨོན་ལམ་མཚམས་སྦྱོར་གྱིས་འབྱུང་པོ་ཆེན་པོར་སྐྱེས་ཏེ་ལོ་གསུམ་གྱི་བར་སེར་བས་ལོ་མི་སྐྱེ་བའི་ཆོས་ཅན་དུ་བྱས་པ་ཡུལ་མི་རྣམས་དབུལ་འཕོངས་དང་འཇིགས་སྐྲག་ཕན་ཚུན་དུ་འགྲན་པར་ཐབས་མ་རྙེད་པའི་ཚེ་རྗེ་འདི་ཉིད་ཀྱིས་བྱང་བུ་བཞུ་བ་གནང་བས་སྔགས་པ་འཁོར་བ་མཐའ་ཅན་དུ་གྱུར་ཅིང་ལུང་པའི་མི་རྣམས་བདེ་སྐྱིད་ལ་བཀོད། ཀོང་པོ་དུང་མཚོ་རྒྱལ་མཚན་གྱི་གཉེར་པ་དང་བླ་བྲང་པའི་རྟ་རྫི་ཐུགས་འཕྲད་བྱུང་བ་གཉེར་པ་རྐྱེན་ལམ་དུ་སོང་བས་ཚོང་པ་རྣམས་ཀྱིས་གཟིམས་ཁང་ནང་དུ་འཚངས་པ་སོགས་ཐུགས་བསུན་ཆེར་བཟོས། སྟོང་ལ་སྤུ་གནག་མང་པོ་གནང་ཡང་དགོན་པར་མཚོན་རྩེ་བསྟད་པ་སོགས་ལ་བརྟེན་མར་ལམ་ཕྱུགས་ནད་ཀྱིས་ཤི། དྲེའུ་ལའང་དྲེལ་ནད་ཀྱིས་གོད་ཁ་ཆེ་བར་འདྲེ་མཐོང་བ་ཞིག་གིས་གྲང་མོ་ཆེ་ནས་ཡིན་ཟེར་བའི་ལྕགས་ཀྱི་ཨ་ཙ་ར་གཉིས་ཚོང་དཔོན་