[A:398]phra bas dbang brda 'phrod pa sogs ga la 'ong yang yid srubs sder bcas kyi g.yul las rgyal ba'i ched du dpal ldan bla ma 'jam dpal rdo rje ma he'i zhal can dang ngo bo dbyer ma mchis pa'i nus pas gzhi ma dag pa'i phung khams skye mched thams cad ting nge 'dzin gyis mngon par sbyangs te 'bras bu gshin rje'i gshed rigs lnga'i ye shes kyi ngo bor byin gyis brlabs pas sku tshe mdzad 'phrin thams cad mthar phyin pa'i rten 'brel gyi sgo thog mar 'grig /yab mes yum sogs chabs cig par dbang zhu ba mdzad pa'i lung bstan gyi tshe gsang mtshan dri ba'i lan a mes rig 'dzin gyis gos dkar mo zhes zhus pas tshar chen gyis zhang po drung pa klungs log pa 'dra gsungs pas thams cad bzhad shin tu bro ba'i rnam 'gyur sogs dgyes dgyes mdzad/ rnam snang ming dbang gi gsang mtshan 'dogs pa dang dus mtshungs par zha lu nas kun mkhyen mkhyen brtse'i zhabs kyis/ bsod nams nam mkha'i khyon ltar yangs pa yi/ /bsams pa'i don kun yid bzhin 'grub pa'i dpal/ /phyogs las rnam par rgyal ba'i 'phrin las can/ /brgyud 'dzin dbang po lo brgyar 'tsho bar shog /ces pa'i brtan bzhugs kyi tshigs bcad skyel mi 'grig pas ngo mtshar dang dge mtshan 'gran pa bzhin no/ /rgyal kun bla med ye shes 'phrul po ches/ /sems can bsam pa'i khyad par mkha' mnyam mthas/ /blo gros mig sngon goms pas gzhal ba'i mthu/ /phra ba sgrib pa'i lus can kun gyi gshis/ /srid pa'i lam du 'khyams pas ngal dub ste/ /ma rig 'thibs po'i mal du nyal ba'i