[A:402]kyis gnang pa'i khyad par bu lugs kyi bdag po chen po'i bka' dbang gi dus dbon rin po che dkar chas su mdzad/ dbang stegs kyi khrir chos kyi rgyal tshab chen por mnga' gsol/ slob dpon chen po'i sku tshab gter byon yid bzhin nor bu dang / chos kyi rgyal po 'phags pa'i thugs dam bsnyen phur thams cad mkhyen pa rang gi 'bral spang ma dang bcas gnang skyes su stsal ba bstan pa gtad nas thams cad mkhyen pa nyid ring por ma lon par gsang bdag gi drung du gshegs pa'i sngon 'gror snang yang rjes 'jug rnams dogs gnas tsam yang ma byung bar mngon/ tshar chen chos kyi rgyal po zhing 'di'i bkodapa bsdus par kun mkhyen mkhyen brtse'i zhabs thugs sna bstungs te lcang lo can du gshegs pa'i thugs 'dun drag po dang las 'phro gling pa'i chos bdag yin par dbus gtsang sas bskal ba'i ngos ma zin par dus thog tu ma 'phrod pa'i rten 'brel 'phyugs skyon gyis sa pho 'brug lo mdzad pa tha ma bstan skabs rje 'di bo dong bkra shis sgang du yum dang lhan cig tu bzhugs pa'i tshe/ 'jam dbyangs byang gling rjes srung 'khor mdzad cing nyin re bzhin gra lnga'i dbang tshar re gnang bas dbang chog phal cher thugs blor zin pa byung / skabs shig thams cad mkhyen pa sku'i rnam pa dngos gzhi 'dra ba la dbu skra zing nge ba phyag stabs 'di yin med pa zhig nyi ma'i dkyil 'khor gyi dbus su bzhugs pa gsal bar gzigs pa ni bar do ye shes kyi skus mngon sum du rjes su bzung bar 'dug cing gzigs snang la ji ltar byung ba'i bris thang bzhengs/ rje bla ma bslab gsum