[A:423]dbang phyug yang zab kyi chos bdag lung bstan gyis zin pa'i chos bka' rnams gsan dgos rgyur sa khad 'gyangs pa'i gangs can bstan 'gro'i legs byas kyi snod du ma shong ba'i gter ston dang gter slob gnyis ka sku tshe mthar ma phyin las stabs ma 'grig pa rjes kyi rten 'brel la dgongs rje 'dis 'bri gung rin po che'i drung du yang zab kyi dbang lung rdzogs par zhus shing gter bdag gi bka' gtad dus ma gza' rdor gsum mngon sum du gnang byung ba'i thugs nyams shar/ snyan brgyud ha la nag po'i skor gsang ba las kyang ches gsang ba chig brgyud kho nar bzhugs gshis kun mkhyen mkhyen brtse'i zhabs kyis gzhan la ma gnang ba'i ngang lcang lo can du gshegs pas snyan brgyud rgya mtsho'i mnga' bdag rin po che bod mkhar ba tshar chen chos kyi rgyal po'i sras kyi thu bo gzhan dang mi 'dra bas gsan yod pa gzhir bcas kyi spyan snga rin po cher bzhugs yod 'gro bas de gsan pa dang zhar byung mthil sogs kyi gnas mjal gnang rtsis kyi thog mar phag mo lo'i dgon par phebs pa be'u bum nag po'i skor ni mkhas grub mai tri'i zhabs kyis kyang ma gsan gsungs nas ma byung na'ang dpal mgon las bzhi dang rnam sras bka' mi 'dra ba bco lnga'i rjes gnang gshed dmar spros med kyi khrid sogs zab chos mang du gsan cing dpon slob thugs yid gcig 'dres lta bur gyur/ 'bri gung mthil mjal bar thegs pa'i gser khang dang khang gsar sogs phyi nang gi rten brten pa rnams zhib mor gzigs/ slob dpon chen po'i