[A:424]bzhugs gnas zho stod gter sgrom du phebs bzhed kyang kha char ches bas lam gyi khyad nas slar mjal ba'i rten 'brel mdzad de phyir byon pa'i chibs thog gi sku'i g.yas g.yon mdun rgyab tshor bu mo dkar ser dmar ljang 'dra byung ba'i gzigs snang ni gnas der phebs ma thub par ma dang mkha' 'gro cung zad 'phreng ba dang zhabs skyel gyi rnam par 'dug /mer te gtsang po rgyas par sa sne zhig la ko ba btang ba rdib la khad byung ba dam can rdo rje legs pa skyes pa'i cha byad can du byas te ko ba bzung bas chu bo'i 'jigs pa las grol ba 'phrin las bsgrubs par dgongs/ nA landar byon nas skabs shig dpal ldan rtse zhes bdag chen rdo rje 'chang gi thugs dam gtor snod sa skya nas bya rog gis khyer ba'i gnas gzhi 'ding sar bzhag ste lung bstan pa'i mgon khang rdo rje chos skyong rnams rang bzhin gyis 'du ba der phebs pa'i zhag kha yar bzhugs/ bskang bshags bstod 'phrin gyi sgo nas bstan 'gro spyi bye brag gi rnam dkar spel ba dang bzhed don gyi tshogs sgrub par dam bsgrags pa'i dus las mgon pu tra ming sring ri rab tsam zhal gzigs pa ni bdag chen rin po che dang kun spangs rdo ring pa chen po gnyis kyis gnas der bsnyen sgrub las sbyor phul phyin gnang ba'i rgyun bzhin bstan pa rin po che'i mel tshe dus drug tu mdzad do/ /zhes zhal gyis 'ches par go /bgrang yas rgyud sde'i rkang 'thung 'khrigs pa'i tshal/ /smin grol rtsa sdong yal 'dab nyer mtshungs kyang / /zab gsang nying khus 'dod 'jo'i mchog sbyin pa/ /slob bshad snyan brgyud yongs