[A:425]'duu sa brtol tsam/ /rnam dag bslab gsum bstan pa'i rgyal mtshan nyid/ /chos dbyings 'tshams sprin lus phra'i mngal zhugs tshe/ /mkhyen brtse nus ldan bsod nams chos 'phel zlas/ /gang thugs utpal dkar po ci yang bzhad/ /'jam dbyangs dbyangs can dgyes pa'i klu sgrub rje/ /zab don don gsal byams pa skal bzang zhabs/ /mthu stobs stobs ldan mtshan 'chang rig pa 'dzin/ /kun legs legs bshad gdams pa'i sgo 'phar phye/ /kun 'byung nyes brgya 'byin par thabs ston ched/ /kun bzang chos kyi nyin byed gdung gsob ste/ /kun mkhyen shAkya'i gdan sa'i mkhan tshab tu/ kun dga'i lam 'dren bla mas mnga' gsol mdzad/ /snyan brgyud bstan pa'i gdugs dkar yu ba de/ /mgon khyod phyag tu don gyis legs gtod pa/ /gzhon nu'i mtshan 'dzin mes po'i blo gros can/ /mkha' spyod gnas su bgrod pa'i nyer bsngogs bzhin/ /ma dang mkha' 'gro'i tshogs khang du ma ru/ /ngo mtshar dag pa'i snang ba 'byams klas 'od/ /sras bcas rgyal ba'i phra rab rdul gyi zhing / /ma smad gzigs mo gsal la 'phros sam snyam/ /thub pas byang chub mchog brnyes khyod byin brlabs/ /dpang por bstan ma sa las lus phyed du/ /thon pa'i bden gtam 'gro kun snying ga la/ /nges rnyed dam bca'i sa bon snyoms par bkram/ /grangs med bskal par gsog pa'i tshogs chen yang / /thabs mkhas 'phrul gyis ra sa'i gnas 'dir 'dums/ /gsang ba ye shes DA