[A:426]ki tha mal tshul/ /bstan nas tshig dang brda yis rjes su bzung / /ayon thugs kyi thigs pa ro bda'i zas/ /lha gcig sras dang mtshungs par longs spyod pa'i/ /las smon rten cing 'brel 'byung lde mig des/ /mchog thun bzhed dgu tshang ba'i sgrom bu phye/ /dbu ru'i phyogs 'dir mnyam med kha'u pa'i/ /bstan pa'i gdugs dkar bsgreng mkhas bod mkhar rje'i/ /rgyal tshab mi pham chos kyi rgya mtsho dang / /thugs yid gcig 'dres sras kyi thu bor gyur/ /khrag dron 'dzag pa'i g.yang gzhi lding thabs gyon/ /don snying za zhing rgyu ma'i ga sha can/ /mi sdug gshin rje'i sde dpon ming sring rnams/ /ci bgyi'i las bcol g.yar dam slar bcas 'dra/ /de nas rim bzhin gtsang la chibs bskyod pa'i lam zhor du paN chen shAkya shrIs dbyar gnas mdzad cing byin gyis brlabs pa'i drang srong srin po rir phebs nas paN chung bi bhU ti tsandra'i phyag bzo'i bde mchog byin rlabs can mjal zhing smon lam gnang / gong dkar chos sde'i klu dbang gling du bzhugs pa'i nub oM gsum ma'i sgra dir dir sgrogs byung bas rkyen byas gyang ldebs la rje btsun nA ro mkha' spyod ma'i sku ri mor bris pa shin tu gsal ba gzigs pa sku 'khor ba zhig gis 'di thams cad mkhyen pa'i phyag bris yin zer ba'i thugs snang la shar ba nang par logs der ci yang mi 'dug pa nye lam 'di la brten nas rgya bod kyi grub brnyes du ma lus ma spangs par mkha' spyod du byon pa'i lo rgyus/ lam glu dpyid kyi rgyal mo'i glu dbyangs las/ dpal mkha' spyod kyi dga' ma yid