[A:433]bya g.yung drung bon gyi yin/ /drug cu rtsa bzhi gshin rje pa la grags/ /'dir ni drag po gtor ma'i bzlog par brjod/ /ces lcags mkhar zur dgu pa'i man ngag rwa lugs la grags che na'ang mgon po la zhwa dpe lham 'gebs lta bu ma yin par lugs 'di'i phyag bzhes khungs ma dmar chen gtor bzlog 'di bka' gnyan cing 'tshub lhongs che bas mkhan rin po che gzhon nu blo gros kyi dus su sde dgon gyi sku rim la gnang ba rjes su lo gcig gnyis shig chag pa sde pas sngar lugs bzhin gtor bzlog gnang dgos pa'i gsol ba btab par gra rigs la la mkhan rin po che mthu stobs che drags pa ma gtogs 'di 'tshub ches pas ci 'dra 'ong zhes yid gnyis byed par rje nyid dkyil 'khor gyi gtso bo dgyes mdzad rdo rje'i skur bzhengs pa'i bsnyen song rnams kyi gsung zla dang bcas hor zla bcu gnyis pa'i nang du gtor sgrub 'dzugs pa gnang ba'i zhag gsum pa'i nyin gdab las gnang tshe lingga lan gsum 'phar ba sde pa dpon g.yog gsum gyis dngos su mthong ba ni pho nya'i tshogs kyis dgra bo'i bla tshe mngon sum du bkug par 'dug cing de dang dus mnyam du mgon khang gi sring mo'i zhal nas rlangs pa 'tshub 'khyil gyis thon zhing zhal nang gi rgyu zhags 'dzar/ nyer dgu'i srod la gtor rgyag gnang dus gtor zor las me chad pa rgyugs shul du sa la gshor brus pa lta bu dang mi gsum tsam gyis 'degs dgos pa'i gtor ma phyag gis bteg nas ri thang mtshams kyi sa shin tu sra zhing lhag par dgu 'dren pa'i sa chu 'khyags sgang la 'phen pa gnang ba phyed tsam dim pa de nub gtor slang 'then