[A:༤༣༣]བྱ་གཡུང་དྲུང་བོན་གྱི་ཡིན། །དྲུག་ཅུ་རྩ་བཞི་གཤིན་རྗེ་པ་ལ་གྲགས། །འདིར་ནི་དྲག་པོ་གཏོར་མའི་བཟློག་པར་བརྗོད། །ཅེས་ལྕགས་མཁར་ཟུར་དགུ་པའི་མན་ངག་རྭ་ལུགས་ལ་གྲགས་ཆེ་ནའང་མགོན་པོ་ལ་ཞྭ་དཔེ་ལྷམ་འགེབས་ལྟ་བུ་མ་ཡིན་པར་ལུགས་འདིའི་ཕྱག་བཞེས་ཁུངས་མ་དམར་ཆེན་གཏོར་བཟློག་འདི་བཀའ་གཉན་ཅིང་འཚུབ་ལྷོངས་ཆེ་བས་མཁན་རིན་པོ་ཆེ་གཞོན་ནུ་བློ་གྲོས་ཀྱི་དུས་སུ་སྡེ་དགོན་གྱི་སྐུ་རིམ་ལ་གནང་བ་རྗེས་སུ་ལོ་གཅིག་གཉིས་ཤིག་ཆག་པ་སྡེ་པས་སྔར་ལུགས་བཞིན་གཏོར་བཟློག་གནང་དགོས་པའི་གསོལ་བ་བཏབ་པར་གྲ་རིགས་ལ་ལ་མཁན་རིན་པོ་ཆེ་མཐུ་སྟོབས་ཆེ་དྲགས་པ་མ་གཏོགས་འདི་འཚུབ་ཆེས་པས་ཅི་འདྲ་འོང་ཞེས་ཡིད་གཉིས་བྱེད་པར་རྗེ་ཉིད་དཀྱིལ་འཁོར་གྱི་གཙོ་བོ་དགྱེས་མཛད་རྡོ་རྗེའི་སྐུར་བཞེངས་པའི་བསྙེན་སོང་རྣམས་ཀྱི་གསུང་ཟླ་དང་བཅས་ཧོར་ཟླ་བཅུ་གཉིས་པའི་ནང་དུ་གཏོར་སྒྲུབ་འཛུགས་པ་གནང་བའི་ཞག་གསུམ་པའི་ཉིན་གདབ་ལས་གནང་ཚེ་ལིངྒ་ལན་གསུམ་འཕར་བ་སྡེ་པ་དཔོན་གཡོག་གསུམ་གྱིས་དངོས་སུ་མཐོང་བ་ནི་ཕོ་ཉའི་ཚོགས་ཀྱིས་དགྲ་བོའི་བླ་ཚེ་མངོན་སུམ་དུ་བཀུག་པར་འདུག་ཅིང་དེ་དང་དུས་མཉམ་དུ་མགོན་ཁང་གི་སྲིང་མོའི་ཞལ་ནས་རླངས་པ་འཚུབ་འཁྱིལ་གྱིས་ཐོན་ཞིང་ཞལ་ནང་གི་རྒྱུ་ཞགས་འཛར། ཉེར་དགུའི་སྲོད་ལ་གཏོར་རྒྱག་གནང་དུས་གཏོར་ཟོར་ལས་མེ་ཆད་པ་རྒྱུགས་ཤུལ་དུ་ས་ལ་གཤོར་བྲུས་པ་ལྟ་བུ་དང་མི་གསུམ་ཙམ་གྱིས་འདེགས་དགོས་པའི་གཏོར་མ་ཕྱག་གིས་བཏེག་ནས་རི་ཐང་མཚམས་ཀྱི་ས་ཤིན་ཏུ་སྲ་ཞིང་ལྷག་པར་དགུ་འདྲེན་པའི་ས་ཆུ་འཁྱགས་སྒང་ལ་འཕེན་པ་གནང་བ་ཕྱེད་ཙམ་དིམ་པ་དེ་ནུབ་གཏོར་སླང་འཐེན་