[A:436]ba mkha' la spyod pa'i gnas dpa' bo mkha' 'gro 'du ba'i tshogs dpon du gshegs pa'i dag pa ye shes kyi skus rjes su 'dzin pa dang sku tshe'i lhag ma gnang ba'i ltas su snang / bla ma rin po che'i dgung zhag ma grol gyi bar du bshes gnyen dam pa 'jam dpal dbyangs dang dbyer mi phyed par bcom ldan 'das 'jigs mdzad rdo rje'i dkyil 'khor zhal phye nas sgrub mchod rgyas par gnang ngo / /drang srong bsam gtan la gzhol srin po rir/ /rab 'byor zla ba'i phyag rjes bzo rig tshad/ /'khor lo sdom pa'i sku brnyan bar snang la/ /bde chen gar bsgyur waM yig gzigs pa'i mod/ /stong nyid snying rje'i nyams ldan e yi gzugs/ /mkha' spyod dbang mo'i mdzes sku sgyu ma'i 'phrul/ /mthu stobs 'jigs med dpa' bo'i chos kyi grar/ /'dren byed tshar dngar thabs shes zung 'jug brda/ /kasmi ra pa'i paN chen sdom pa'i rgyun/ /ganggA'i 'byung gnas ma dros chos lung der/ /dgyes mdzad rdo rje'i lha sngags ye shes kyi/ /byin rlabs gzi byin nyi ma'i dngos brgya 'bar/ /lnga rigs grub dbang gha ya dha ra'i zhabs/ /ngur smrig gar gyis rol pa tshar pa rjes/ /gsung ngag smin grol gnang phyir ye shes sku/ /mngon sum bstan pa'i skal bzang khyod nyid tsam/ /tshad med lha mo rnam bzhi'i bkra shis glus/ /chos kyi 'khor lo bskor ched 'dus sde 'dir/ /spyon zhes bskul ba'i sngon 'gror bstan srung tshogs/ /rgya gar dzo ki'i zol gyis lhags pa snyam/ /srid pa'i dpal 'byor zla ba'i ma ma gang / /nyes brgya chu srin tshang du yongs gzigs pa'i/ /nges par 'byung yang gzhan phan bya dka' bar/ /mi zhum khyod