[A:437]min byang sems spyi yi srol/ /sdig sems gshed mar shar pa ha la nag /srog gcod 'bar ba'i las kyi ral gri che/ /bstan srung phyag rgyar gtod pa'i drin can rje/ /byams pas bdud sde yongs 'joms don kun grub/ /bsod nams che bsags chos kyi dkyil 'khor nya/ /yongs 'phel gang ba'i zhal lung ga pur rdul/ /rdzogs par btungs pa'i blo gros ku muu da/ /mtha' klas lung rtogs ze'u 'bru ci yang bzhad/ /yid 'phrog lta na sdug pa'i ljongs kyi mthil/ /pha rgod bla ma'i khri la zhabs pad zung / /bkod nas rnam gsum 'khor lo'i mdzad pa yis/ /thub bstan gsal ba'i nyi ma gnyis pa shar/ /ye shes rwa chen gdengs pa'i rnon po'i rtses/ /ma rung 'byung po'i lto ba rab phug tshe/ /skye rgu'i bde skyid 'phrog pa'i lus med dpung / /mya ngan khang bur smre sngags cho nge 'don/ /gar dbang tshe mtha' yas pa'i mgon po dang / /dbyer med bslab gsum ngur smrig 'chang ba'i rje/ /mchod sprin spel ba'i legs byas gzugs can du/ /gyur na 'jig rten khams 'di snod du chungs/ /rgyu rlon bsad khrag dron mos ma tshim par/ /mchod par rings la rngam pa'i pho nya'i tshogs/ /dmar chen zor las chad pa'i me dpung dang / /lhan cig dus mtha'i rlung ltar 'tshub cing song / /'khrul pa'i rang mtshang zhig nas da lta'i bar/ /rjes brtses dngos grub char 'bebs ngal gsos bu/ /dmar ser snang brnyan bskrun pas rmugs 'dzin gyi/ /mkho dgu'i 'byor pa 'dren pa'i shing rta'i spun/ /thos bsam sgom pa'i cod pan rab bcings te/ /'jam dbyangs byang