[A:༤༣༧]མིན་བྱང་སེམས་སྤྱི་ཡི་སྲོལ། །སྡིག་སེམས་གཤེད་མར་ཤར་པ་ཧ་ལ་ནག །སྲོག་གཅོད་འབར་བའི་ལས་ཀྱི་རལ་གྲི་ཆེ། །བསྟན་སྲུང་ཕྱག་རྒྱར་གཏོད་པའི་དྲིན་ཅན་རྗེ། །བྱམས་པས་བདུད་སྡེ་ཡོངས་འཇོམས་དོན་ཀུན་གྲུབ། །བསོད་ནམས་ཆེ་བསགས་ཆོས་ཀྱི་དཀྱིལ་འཁོར་ཉ། །ཡོངས་འཕེལ་གང་བའི་ཞལ་ལུང་ག་པུར་རྡུལ། །རྫོགས་པར་བཏུངས་པའི་བློ་གྲོས་ཀུ་མུུ་ད། །མཐའ་ཀླས་ལུང་རྟོགས་ཟེའུ་འབྲུ་ཅི་ཡང་བཞད། །ཡིད་འཕྲོག་ལྟ་ན་སྡུག་པའི་ལྗོངས་ཀྱི་མཐིལ། །ཕ་རྒོད་བླ་མའི་ཁྲི་ལ་ཞབས་པད་ཟུང༌། །བཀོད་ནས་རྣམ་གསུམ་འཁོར་ལོའི་མཛད་པ་ཡིས། །ཐུབ་བསྟན་གསལ་བའི་ཉི་མ་གཉིས་པ་ཤར། །ཡེ་ཤེས་རྭ་ཆེན་གདེངས་པའི་རྣོན་པོའི་རྩེས། །མ་རུང་འབྱུང་པོའི་ལྟོ་བ་རབ་ཕུག་ཚེ། །སྐྱེ་རྒུའི་བདེ་སྐྱིད་འཕྲོག་པའི་ལུས་མེད་དཔུང༌། །མྱ་ངན་ཁང་བུར་སྨྲེ་སྔགས་ཆོ་ངེ་འདོན། །གར་དབང་ཚེ་མཐའ་ཡས་པའི་མགོན་པོ་དང༌། །དབྱེར་མེད་བསླབ་གསུམ་ངུར་སྨྲིག་འཆང་བའི་རྗེ། །མཆོད་སྤྲིན་སྤེལ་བའི་ལེགས་བྱས་གཟུགས་ཅན་དུ། །གྱུར་ན་འཇིག་རྟེན་ཁམས་འདི་སྣོད་དུ་ཆུངས། །རྒྱུ་རློན་བསད་ཁྲག་དྲོན་མོས་མ་ཚིམ་པར། །མཆོད་པར་རིངས་ལ་རྔམ་པའི་ཕོ་ཉའི་ཚོགས། །དམར་ཆེན་ཟོར་ལས་ཆད་པའི་མེ་དཔུང་དང༌། །ལྷན་ཅིག་དུས་མཐའི་རླུང་ལྟར་འཚུབ་ཅིང་སོང༌། །འཁྲུལ་པའི་རང་མཚང་ཞིག་ནས་ད་ལྟའི་བར། །རྗེས་བརྩེས་དངོས་གྲུབ་ཆར་འབེབས་ངལ་གསོས་བུ། །དམར་སེར་སྣང་བརྙན་བསྐྲུན་པས་རྨུགས་འཛིན་གྱི། །མཁོ་དགུའི་འབྱོར་པ་འདྲེན་པའི་ཤིང་རྟའི་སྤུན། །ཐོས་བསམ་སྒོམ་པའི་ཅོད་པན་རབ་བཅིངས་ཏེ། །འཇམ་དབྱངས་བྱང་